Guru-budh Yuti 2025: ज्योतिषशास्त्रानुसार, प्रत्येक ग्रह वेळोवेळी राशी परिवर्तन आणि नक्षत्र परिवर्तन करतात, ज्याचा शुभ प्रभाव १२ राशींच्या व्यक्तींवर पाहायला मिळतो. ज्योतिषशास्त्रात गुरू ग्रहाला ज्ञान, सौभाग्य आणि सुख-समृद्धीचा कारक ग्रह मानले जाते. तर बुध ग्रहाला वाणी, विद्या आणि बुद्धिचा कारक ग्रह मानले जाते. गुरूला एका राशीतून दुसऱ्या राशीत प्रवेश करण्यासाठी तब्बल एक वर्षाचा कालावधी लागतो. तर बुध ग्रहाला १५ दिवसांचा कालावधी लागतो. दरम्यान, आता जून महिन्यात तब्बल १२ वर्षानंतर बुध-गुरूची युती निर्माण होणार आहे. ज्याचा शुभ प्रभाव काही राशींवर नक्कीच पडेल.
‘या’ तीन राशींच्या आयुष्यात येणार आनंदी आनंद
वृषभ (Taurus)
गुरू-बुधाच्या युतीचे वृषभ राशीच्या व्यक्तींना अनेक सकारात्मक परिणाम पाहायला मिळतील. या काळात कुटुंबात आनंदाचे वातावरण असेल. आर्थिक स्थिती मजबूत राहील. अचानक धनलाभ होतील, आयुष्यात अनेक मोठे बदल पाहायला मिळतील. जोडीदाराबरोबरचे नाते अधिक घट्ट होईल. कर्ज फेडण्यास मदत होईल. नवीन गोष्टी शिकण्याची संधी मिळेल. वरिष्ठांची मदत मिळेल. विद्यार्थ्यांसाठीही हा उत्तम काळ आहे. या काळात करिअरमध्ये यश मिळेल; मुलांकडून आनंदी कार्ता कानी पडतील. मनातील इच्छा पूर्ण होतील.
मिथुन (Gemini)
मिथुन राशीच्या व्यक्तींसाठी गुरू-बुधाची युती खूप लाभदायी सिद्ध होईल. या काळात तुम्हाला आकस्मिक धनलाभ होण्याची दाट शक्यता आहे. कामाच्या ठिकाणी कामाचे खूप कौतुक होईल. मान-सन्मान वाढेल. विद्यार्थ्यांसाठी हा काळ खूप अनुकूल असेल. वैवाहिक आयुष्यातील तणाव दूर होईल. कर्ज कमी होण्यास मदत होईल. दूरचे प्रवास घडतील. आर्थिक धनलाभ होण्याची दाट शक्यता आहे. या काळात तुम्हाला भाग्याची साथ मिळेल. तसेच पदोन्नतीही मिळेल. तुमच्या भावडांबरोबर चांगले क्षण व्यतीत कराल.
मीन (Pisces)
गुरू-बुधाच्या युतीमुळे मीन राशीच्या व्यक्तींना आयुष्यात अनेक चांगले बदल पाहायला मिळतील. या काळात तुमची आर्थिक स्थिती मजबूत असेल. या काळात समाजात मान-सन्मान, पद-प्रतिष्ठा वाढेल. पर्सनल आणि प्रोफेशनल आयुष्यात प्रगती होईल. प्रत्येक क्षेत्रात यश मिळवाल. स्पर्धा परीक्षेत उत्तम यश मिळेल. धार्मिक स्थानांना भेट द्याल. अध्यात्माविषयी मनात ओढ राहील. वैवाहिक जीवन सुखमय राहील. कुटुंबात आनंदाचे वातावरण असेल. प्रॉपर्टी, वाहन खरेदी करू शकता.
(टीप: वरील लेख प्राप्त माहितीवर आधारित आहे.)