Guru Gochar 2025: ज्योतिषशास्त्रानुसार देवगुरु बृहस्पतींना नवग्रहातील महत्वपूर्ण ग्रहांपैकी एक मानले जाते. देवगुरुंच्या राशीपरिवर्तनाचा प्रभाव प्रत्येक राशीच्या व्यक्तींवर त्याचा अधिक परिणाम पाहायला मिळतो. गुरु ग्रहाने १ मे २०२४ रोजी दुपारी २ वाजून २९ मिनिटांनी वृषभ राशीत प्रवेश केला असून १४ मे २०२५ पर्यंत गुरु या राशीत असेल. या वर्षभरात गुरु अस्त, उदय आणि वक्रीदेखील होईल. गुरुचा वृषभ राशीतील प्रवेश काही राशीच्या व्यक्तींसाठी सकारात्मक परिणाम देणारा ठरेल.
मेष
मेष राशीच्या लोकांसाठी गुरुचे वृषभ राशीतील हे राशीपरिवर्तन संपूर्ण वर्ष खूप खास ठरेल. या राशीचा गुरु नवव्या आणि बाराव्या भावाचा स्वामी आहे. त्यामुळे या काळात मेष राशीच्या व्यक्तींना भाग्याची भरपूर साथ मिळेल. या काळात बँक बॅलन्स वाढेल. या राशीच्या व्यक्तींची आर्थिक चणचण दूर होईल आणि उत्पन्नाचे नवे मार्ग मोकळे होतील. मान-सन्मान आणि आत्मविश्वासात वाढ होईल. कुटुंबीयांसोबतचे संबंध अधिक घट्ट होतील. नोकरी करणाऱ्यांना कामात सकारात्मक बदल दिसून येतील.
वृषभ
वृषभ राशीमध्ये गुरु आठव्या आणि अकराव्या भावाचा स्वामी आहे. या राशीच्या व्यक्तींसाठी गुरुचे राशीपरिवर्तन खूप शुभदायी ठरेल. या काळात तुमचे मन धार्मिक कार्यात अधिक रमेल. नोकरी, व्यवसायात प्रगती होईल. गुंतवणूक करणे फायदेशीर ठरेल. स्पर्धा परीक्षेची तयार करणाऱ्यांनाही यशाचे गोड फळ लाभेल. फक्त मेहनत कायम ठेवा. अविवाहितांसाठी लग्नाचे अनेक प्रस्ताव येतील. कुटुंबीयांकडून मदत मिळेल.
हेही वाचा: २६८ दिवस घरी नांदणार लक्ष्मी; शनीची चाल करणार ‘या’ तीन राशींच्या व्यक्तींना करणार मालामाल
कर्क
कर्क राशीमध्ये गुरु सहाव्या आणि नवव्या भावाचा स्वामी आहे. या काळात तुमचे नशीब तुमच्या बाजूने असेल. शिक्षण क्षेत्रात हवे तसे यश मिळेल. कुटुंबात आनंदाचे वातावरण असेल. नोकरी, व्यवसायात अनपेक्षित बदल घडून येतील. आयुष्यात समाधान प्राप्त होईल. आकस्मिक धनलाभ होण्याची दाट शक्यता आहे. आर्थिक परिस्थिती सुधारेल. वाणीवर नियंत्रण राहील; ज्यामुळे लोकांवर प्रभाव पडेल.
(टीप: वरील लेख हा प्राप्त माहितीवर आधारित आहे.)
© IE Online Media Services (P) Ltd
