Hanuman Jayanti : या वर्षी हनुमान जयंतीच्या दिवशी एक अद्भूत संयोग तयार होत आहे. आज २३ एप्रिलला हनुमान जयंतीच्या दिवशी ग्रहांचे सेनापती मंगळ ग्रह गोचर करणार आहे. त्याचबरोबर आज मंगळवार सुद्धा आहे. मंगळवार हा हनुमानाचा दिवस आहे आणि त्याचबरोबर मंगळ ग्रह मजबूत करण्यासाठी मंगळवार ओळखला जातो. आज हनुमान जयंतीच्या दिवशी मंगळ ग्रह राशी बदलणार आहे.
मंगळ ग्रह आतापर्यंत शनिबरोबर कुंभ राशीमध्ये विराजमान होते आता मंगळ गुरूच्या घरात म्हणजेच मीन राशीमध्ये प्रवेश करणार आहे. त्यामुळे आज एकाच दिवशी हनुमान जयंती, मंगळवार आणि मंगळ ग्रहाचे गोचर असे तीन मोठे संयोग दिसून येईल. त्याचबरोबर मीन राशीमध्ये राहू बरोबर मंगळ ग्रहाची युती तयार होत आहे. अशा परिस्थितीत कोणत्या राशींना फायदा होईल जाणून घेऊ या.
या लोकांना होईल फायदा
मंगळ ग्रहाचे राशी परिवर्तन मेष, वृश्चिक, कर्क आणि सिंह राशीच्या लोकांसाठी शुभ दिसून येईल. आजपासून ४० दिवस या राशींच्या लोकांवर हनुमानाची कृपा दिसून येईल. या राशीच्या लोकांनी हनुमान जयंतीला हनुमानाची आराधना करणे त्यांना फायदेशीर ठरू शकते. या राशीच्या लोकांनी व्यक्तिमत्त्वाचा विकास करावा. लोकांशी बातचीत करावी. चांगली पुस्तके वाचावी, ज्ञानी लोकांच्या सानिध्यात जास्त वेळ घालवावा. मंगळ ग्रहाची ऊर्जा चांगल्या सकारात्मक कामात खर्च करावी. आर्थिक लाभ होऊ शकतो.
या राशींनी घ्यावी काळजी
मंगळ ग्रहाने मीन राशीमध्ये प्रवेश केल्यानंतर राहु दिसून येईल. मंगळ आणि राहु्च्या युतीमुळे कन्या आणि तुळ राशीवर याचा परिणाम दिसून येईल. १ जून २०२४ पर्यंत कन्या राशीच्या लोकांनी आपल्या जोडीदाराबरोबर चांगले संबंध टिकवून ठेवण्याचा प्रयत्न करावा. लहान लहान गोष्टीवर वादविवाद करू नये. याचबरोबर तुळ राशीच्या लोकांनी आरोग्याची काळजी घ्यावी.
(टीप: वरील लेख प्राप्त माहितीवर आधारीत आहे)
