Saturn Transit: ज्योतिषशास्त्रात ग्रहांच्या राशी परिवर्तनासोबत त्यांचे नक्षत्र परिवर्तनदेखील होते. शनी ग्रहाला न्याय आणि कर्माची देवता म्हणून ओळखले जाते. २०२४ मध्ये शनी कुंभ राशीत विराजमान असेल. ज्योतिषशास्त्रानुसार शनी सर्वांत मंद गतीने चालणारा ग्रह आहे. कुंडलीत शनी शुभ स्थानी असल्यास व्यक्तीला आयुष्यात कुठल्याच समस्यांचा सामना करावा लागत नाही; पण शनि अशुभ स्थितीत असल्यास व्यक्तीला अनेक संकटांचा सामना करावा लागतो. पुढच्या वर्षी २८ फेब्रुवारीच्या दिवशी शनीचा अस्त होईल. त्यामुळे पुढच्या २६८ दिवसांपर्यंत शनीची शुभ दृष्टी काही राशीच्या व्यक्तींवर राहील. ज्योतिषशास्त्रानुसार असे म्हटले जाते की, जे लोक नेहमी न्यायाचे पालन करतात आणि चांगले कर्म करतात अशा व्यक्तींवर शनिदेवाची सदैव कृपा असते. मेष कुंभ राशीमध्ये शनी ग्रहाचा उदय मेष राशीच्या व्यक्तींसाठी खूप अनुकूल सिद्ध होईल. या काळात मेष राशीच्या व्यक्तींचे वैवाहिक जीवन सुखमय असेल. अविवाहित असाल, तर लग्नाचे प्रस्ताव येतील. नोकरी-व्यापारात वाढ होईल. कामामुळे अनेकदा दूरचा प्रवास करावा लागेल. मित्रांसोबत चांगला वेळ घालवाल, त्यांच्यासोबत पिकनिकचा प्लानदेखील कराल. अडकलेले पैसे परत मिळतील. सिंह सिंह राशीच्या व्यक्तींसाठीही हा काळ खूप शुभ अनुकूल सिद्ध होईल. या काळात तुमच्या मान-सन्मानात वाढ होईल. या राशीच्या व्यक्तींना आयुष्यात खूप नवे बदल दिसून येतील. त्यांची अनेक दिवसांपासून अडकलेली कामे पूर्ण होतील. आर्थिक चणचण दूर होईल आणि उत्पन्नाचे नवे मार्ग मोकळे होतील. कुटुंबीयांसोबतचे संबंध अधिक घट्ट होतील. नोकरी करणाऱ्यांना कामात सकारात्मक बदल दिसून येतील. प्रेमसंबंध सुखमय होतील. हेही वाचा: पुढचे २ दिवस बक्कळ पैसा; चंद्र-गुरु निर्माण करणार ‘गजकेसरी राजयोग’, ‘या’ तीन राशी होणार मालामाल तूळ या काळात तूळ राशीच्या व्यक्तींना आई-वडिलांची खूप साथ मिळेल. धार्मिक कार्यात आनंदाने सहभागी व्हाल. २६८ दिवसांच्या काळात तुमच्या आयुष्यात सुख-समृद्धी वाढेल. कुटुंबीयांसोबत प्रवास घडेल. नोकरीत पदोन्नती मिळण्याची दाट शक्यता आहे. आर्थिक परिस्थिती उत्तम राहील आणि कुटुंबात आनंदाचे वातावरण असेल. वरिष्ठांची मदत मिळेल. विद्यार्थ्यांसाठीही हा उत्तम काळ आहे. (टीप : वरील लेख प्राप्त माहितीवर आधारित आहे.)
