Trigrahi Yoga: ज्योतिषशास्त्रानुसार ग्रहांच्या राशीपरिवर्तनामुळे अनेकदा एकाच राशीत काही ग्रहांची युती निर्माण होते. ग्रहांच्या युतीचे नेहमीच शुभ किंवा अशुभ परिणाम १२ राशींच्या व्यक्तींवर पाहायला मिळतात. जून महिन्यात मिथुन राशीत तीन ग्रहांनी राशीपरिवर्तन केले आहे. सध्या जून राशीत शुक्र, बुध आणि सूर्य विराजमान आहेत. या तिन्ही ग्रहांच्या युतीमुळे मिथुन राशीत त्रिग्रही योग निर्माण झाला आहे. या त्रिग्रही योगामुळे काही राशींच्या व्यक्तींना अनेक शुभ परिणाम पाहायला मिळतील. ज्योतिषशास्त्रानुसार १२ जून रोजी शुक्र ग्रहाने मिथुन राशीत प्रवेश केला, तर १४ जून रोजी बुध ग्रहाने मिथुन राशीत प्रवेश केला. तसेच १५ जून रोजी सूर्य ग्रहाने मिथुन राशीत प्रवेश केला आहे. सध्या हे तिन्ही ग्रह मिथुन राशीत विराजमान आहेत. मेष मेष राशीच्या व्यक्तींसाठी हा त्रिग्रही योग खूप सकारात्मक परिणाम देणारा ठरेल. या काळात आकस्मिक धनलाभ होतील. अडकलेली कामे पूर्ण होतील. तुमचा आत्मविश्वास वाढेल. आयुष्यात सुख-समृद्धी वाढेल. कुटुंबीयांसोबत प्रवास घडेल. आर्थिक परिस्थिती उत्तम राहील आणि कुटुंबात आनंदाचे वातावरण असेल. मिथुन मिथुन राशीच्या व्यक्तींसाठीदेखील हा त्रिग्रही योग खूप अनुकूल असेल. मिथुन राशीच्या व्यक्तींना या काळात अनेक भौतिक सुखे प्राप्त होतील. नोकरीत पदोन्नती मिळण्याची दाट शक्यता आहे. नव्या वस्तू खरेदी करू शकाल. कुटुंबीयांचे संबंध चांगले होतील. तीर्थक्षेत्रांना भेट द्याल. नवीन वाहन, प्रॉपर्टी विकत घेऊ शकता. हेही वाचा: ४ दिवसांनंतर घरी नांदणार लक्ष्मी; शनि वक्री होताच ‘या’ पाच राशीच्या व्यक्तींना मिळणार भरपूर पैसा तूळ तूळ राशीच्या व्यक्तींसाठी हा योग खूप लाभदायक असेल. या काळात तूळ राशीच्या व्यक्तींना भौतिक सुख प्राप्त होईल, धार्मिक कार्यात यश मिळेल, आर्थिक परिस्थिती मजबूत होईल. दूरचे प्रवास घडतील. या काळात वैवाहिक जीवन सुखमय राहील. स्पर्धा परीक्षेत हवे तसे यश मिळेल. (टीप: वरील लेख हा प्राप्त माहितीवर आधारित आहे.)
