Grah Gochar January 2024: अवघ्या काही दिवसात नवीन वर्षाची सुरुवात होणार आहे. हे नवीन वर्ष आपल्या राशीला कसे जाणार याची सर्वांनाच उत्सुकता लागलेली असते. प्रत्येकासाठीच नवीन वर्ष आशेचा नवा प्रकाश घेऊन येत असतो. ज्योतिषशास्त्रानुसार, आता वर्ष २०२४ मध्ये मंगळ, बुध, सूर्य आणि शुक्रदेव यांच्या स्थितीत मोठे बदल होणार आहे. ज्यामुळे काही राशींच्या जीवनात सकारात्मक तर काही राशींच्या जीवनात नकारात्मक परिणाम घडून येण्याची शक्यता आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

ज्योतिषशास्त्रानुसार, ग्रहांचा राजकुमार बुध २ जानेवारी २०२४ रोजी वृश्चिक राशीत प्रवेश करणार आहे, १५ जानेवारीला सूर्यदेव मकर राशीत तर १६ जानेवारीला मंगळदेव धनु राशीत उदय होणार आहेत तर १८ जानेवारीला शुक्रदेव धनु राशीत गोचर करणार आहेत. यामुळे धनु राशीत मंगळदेव आणि शुक्रदेवाची युती होणार आहे. या चार ग्रहांच्या बदलामुळे जानेवारी २०२४ पासून काही राशींचे भाग्य उजळण्याची शक्यता आहे. त्यांना अपार धनलाभ होण्याची शक्यता आहे. चला तर पाहूयात कोणत्या आहेत या भाग्यशाली राशी…

आणखी वाचा

२०२४ पासून ‘या’ राशींना अपार धनलाभ?

मेष राशी

येणारे नवे वर्ष मेष राशींच्या लोकांसाठी फायदेशीर ठरु शकते. या राशीच्या लोकांना जानेवारीपासून पैसे कमविण्याचे अनेक मार्ग सापडू शकतात. नोकरदार वर्गासाठीही हा काळ धनलाभाचा ठरु शकतो. पगारवाढ आणि प्रमोशन होऊ शकते. प्रत्येक कामात नशिबाची साथ मिळू शकते. परदेशात जाण्याची तुमची इच्छा पूर्ण होऊ शकते. प्रवासातून नवीन संधी आणि नवीन ओळखी ही भविष्यात खूप जास्त फायदेशीर ठरु शकते. नवीन वर्षात तुमची आर्थिक स्थिती मजबूत होऊ शकते.

(हे ही वाचा : ४८ तासांनी ‘या’ राशीच्या लोकांच्या उत्पन्नात होईल वाढ? ग्रहांचा सेनापती मंगळदेव गोचर करताच मिळू शकतो अमाप पैसा )

कन्या राशी

२०२४ मध्ये कन्या राशीच्या असलेल्या आर्थिक समस्या संपूष्टात येऊ शकतात. सुख, समृद्धी आणि संपत्तीमध्ये वाढ होण्याची शक्यता आहे. प्रदीर्घ काळ प्रलंबित असलेली कामे पुन्हा सुरू होऊ शकतात. व्यवसायात अपार यश मिळून तुम्हाला आर्थिक लाभही मिळू शकतो. नवीन वर्षात तुम्हाला कर्जापासून मुक्ती मिळू शकते. या राशीचे लोक त्यांच्या करिअरमध्ये नवीन उंची गाठू शकतात. प्रत्येक क्षेत्रात यश संपादन करण्याची संधी मिळण्याची शक्यता आहे. नवीन वर्षात तुमचा बँक बॅलेन्स वाढू शकतो.

मकर राशी

वर्ष २०२४ मध्ये लक्ष्मी देवीच्या कृपेने मकर राशीच्या लोकांच्या धनात वाढ होण्याची शक्यता आहे. कामाच्या क्षेत्रात केलेल्या मेहनतीचे सकारात्मक परिणाम मिळू शकतात. स्पर्धा परीक्षांची तयारी करणाऱ्यांना चांगले यश मिळू शकते. या राशीच्या लोकांना नवीन आणि उत्कृष्ट नोकरीच्या संधी लाभू शकतात. जे नवीन व्यवसाय सुरू करण्याचा विचार करत असतील त्यांच्यासाठी हा सुवर्णकाळ ठरु शकतो. तुम्हाला अचानक धनलाभ होण्याची शक्यता आहे. जीवनात भौतिक सुख लाभण्याची शक्यता आहे.

(टीप: वरील लेख हा प्राप्त माहितीवर आधारित आहे)