१८ महिन्यांनी मायावी केतूचे गोचर, ‘या’ राशींना अचानक मोठा धनलाभ होणार? तुमची रास यात आहे का बघा

मायावी केतूचे गोचर, ‘या’ राशींना भाग्योदयाची संधी

वृषभ रास (Taurus Zodiac Horoscope)

केतू ग्रहाचे कन्या राशीत गोचर होणे हे वृषभ राशीसाठी लाभदायक सिद्ध होऊ शकते. गोचर होताच केतू ग्रह तुमच्या राशीच्या कुंडलीत पाचव्या स्थानी भ्रमण करणार आहे. त्यामुळे तुम्हाला अचानक धनलाभ होण्याची शक्यता आहे. मुख्यतः तुम्हाला आरोग्यरूपी धनसंपदा लाभू शकते. मानसिक तणावातून सुटका होऊ शकते. प्रेमाच्या नात्यात काही चढउतार येऊ शकतात पण समजुतीने व संयमाने परिस्थिती स्थिर राहू शकते. कुंडलीत संतती सुखाची चिन्हे आहेत. धनलाभासाठी तुमचे प्रयत्न यशस्वी होऊ शकतात. आर्थिक बळ लाभू शकते.

सिंह रास (Leo Zodiac Horoscope)

केतू ग्रहाचे राशी परिवर्तन सिंह राशीसाठी लाभदायक सिद्ध होऊ शकते. हे गोचर आपली राशीच्या कुंडलीत दुसऱ्या स्थानी प्रभावी असणार आहे. ठिकठिकाणहून अडकलेले धन पुन्हा प्राप्त होऊ शकते. आपल्या अनेक महत्त्वाकांक्षा पूर्ण होऊ शकतात. आपल्या नात्यांमध्ये सकारात्मक बदल दिसून येऊ शकतात ज्यामुळे तुमचे समाजातील स्थान भक्कम होऊ शकते. या कालावधीत तुमच्या वाणीच्या प्रभावाने अनेक नवीन ओळखी होऊ शकतात. कम्युनिकेशन, मार्केटिंग, मीडिया, कला या क्षेत्रातील मंडळींना प्रचंड मोठ्या प्रगतीच्या संधी लाभू शकतात.

हे ही वाचा<< १४० दिवस ‘या’ राशींवर बरसणार पैशांचा पाऊस? शनी महाराज १२ राशींच्या नशिबाला कशी देतील कलाटणी?

धनु रास (Sagittarius Zodiac Horoscope)

केतू ग्रहाचे गोचर धनु राशीसाठी सुद्धा लाभदायक ठरू शकते. केतुचे गोचर आपल्या राशीच्या गोचर कुंडलीत कर्म भावी सक्रिय असणार आहे. आपल्याला कामाच्या ठिकाणी यश प्राप्त होऊ शकते. यासाठी तुम्हाला सर्व स्तरातून मदत होऊ शकते. आपले करिअर उच्च स्थानी पोहोचू शकते. नोकरदार मंडळींना अधिक धनलाभ मिळवून देणारी नोकरीची नवी संधी प्राप्त होऊ शकते. कामाचा विस्तार वाढल्याने ताण वाढू शकतो मात्र तुम्हाला मिळणारा परतावा हा सुखद असू शकतो.

(टीप: वरील लेख हा प्राप्त माहितीवर आधारित आहे)