भगवान शंकर यांना भोलेनाथ म्हटलं जातं. म्हणजे त्यांचा स्वभाव एकदम भोला असून लवकर प्रसन्न होणारं दैवत आहे. त्यामुळे भारतात शिवपूजा करणारे असंख्य भक्त आहेत. यावर्षी महाशिवरात्री १ मार्च रोजी आहे. या दिवशी भगवान शंकराला प्रसन्न करण्यासाठी आणि मनातील इच्छा पूर्ण करण्यासाठी रुद्राभिषेक केला जातो. रुद्राभिषेक केल्याने अडचणी, रोग, दोष यापासून दिलासा मिळतो. भगवान शंकराची कृपा होते. त्यामुळे त्यांना शरण गेल्याने समस्येतून सुटकेचा मार्ग सापडतो. त्यामुळे अनेक भक्तांना रुद्राभिषेक नेमका काय असतो आणि कसा असा प्रश्न पडतो, यासाठी येथे संपूर्ण माहिती दिली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

रुद्राभिषेक ही महादेवांना अत्यंत प्रिय असलेली महत्वाची पूजा आहे. कुणी महादेवांचे शंकर स्वरूपात पूजन करतो तर कुणी निराकार पूजन करतो. महाशिवरात्री, प्रदोष किंवा श्रावणी सोमवार असताना रुद्राभिषेक केल्यास अधिक फलदायी असते व बाधा उत्पन्न होत नाही. कारण ह्या कालावधीत श्री शंकर हे शिवलिंगाच्या ठिकाणी उपस्थित अशी हिंदू धर्मात मान्यता आहे. रुद्र म्हणजे परमात्म्याचे विश्वाच्या निर्मितीच्या अगोदरचे मूळ स्वरूप आहे. जेव्हा ह्या जगात काहीच नव्हते तेव्हा केवळ रुद्र होते, आणि सृष्टीचा लय झाल्यावर देखील केवळ रुद्रच राहणार, असं हिंदू धर्मात सांगण्यात आलं आहे. रुद्र हि शक्ती जेव्हा साकार होते तेव्हा तिच्यातून ब्रह्मा-विष्णु-महेश प्रकट होतात. रुद्राभिषेक रुद्र आणि अभिषेक या दोन शब्दांपासून बनला आहे. रुद्र भगवान शिवाला म्हणतो आणि अभिषेक म्हणजे स्नान करणे. अशा प्रकारे रुद्राभिषेक म्हणजे भगवान शिवाचा अभिषेक महाशिवरात्रीनिमित्त भगवान शंकराला प्रसन्न करण्यासाठी रुद्राभिषेक केला जातो. श्रावण महिन्यात किंवा ज्या दिवशी शिव निवास करतो, त्या दिवशी रुद्राभिषेक केला जातो.

रुद्राभिषेकाचे महत्त्व

  • रुद्राभिषेक केल्याने ग्रह दोष, रोग, संकटे, पापे नाहीशी होतात.
  • जर तुम्ही संकटात असाल, भीती वाटत असेल, तर रुद्राभिषेक केल्याने त्याचे निराकरण होते.
  • रुद्राभिषेक हा धन, संपत्ती, वैभव, सुख इत्यादींच्या प्राप्तीसाठीही केला जातो.
  • शत्रू किंवा अकाली मृत्यूची भीती दूर करण्यासाठी रुद्राभिषेक लाभदायक ठरतो.
  • कामात यश, कीर्ती आणि कीर्ती मिळवण्यासाठीही रुद्राभिषेक केला जातो.
  • रुद्राभिषेक करून मानसिक आणि शारीरिक दु:खांपासून मुक्ती मिळते.

Mahashivratri 2022: महाशिवरात्रीला राशीनुसार करा महादेवांचा रुद्राभिषेक, अडचणी दूर होण्यास होईल मदत

रुद्राभिषेकाचे प्रकार

  • संपत्ती मिळविण्यासाठी उसाच्या रसाने रुद्राभिषेक करावा
  • ग्रह दोष दूर करण्यासाठी गंगाजलाने रुद्राभिषेक करावा
  • शिक्षणात यश मिळवण्यासाठी मधाने रुद्राभिषेक करावा
  • नकारात्मकता दूर करण्यासाठी पावसाच्या पाण्याने रुद्राभिषेक करा
  • शत्रूंचा पराभव करण्यासाठी भस्माने रुद्राभिषेक करावा
  • व्यवसायात यशासाठी तुपाने रुद्राभिषेक करावा
  • सुखी जीवनासाठी साखरेने रुद्राभिषेक करावा
  • उत्तम आरोग्यासाठी भांग रुद्राभिषेक केला जातो.
  • घरात सुख-शांतीसाठी दुधाने रुद्राभिषेक करावा
  • कलह दूर करण्यासाठी दहीने रुद्राभिषेक करावा