Mangal Gochar in Dhanu: ग्रहांचं राशी परिवर्तन ही ज्योतिषशास्त्राच्या दृष्टीनं महत्त्वाची व अनेक गोष्टींवर परिणाम करणारी घटना असते. ज्योतिष शास्त्रात मंगळ हा ग्रह शुभ मानला जातो. ज्या राशींवर मंगळाची कृपा असते, त्यांचे जीवन मंगलमय होते, त्यांच्या आयुष्यात आनंद कायम राहतो, असे ज्योतिषशास्त्राचे मत आहे. आता वर्षाच्या शेवटी ग्रहांचा सेनापती मंगळ ग्रह २७ डिसेंबर २०२३ रोजी रात्री ११ वाजून ४० मिनिटांनी धनु राशीत प्रवेश करणार आहे. त्यामुळे याचा प्रभाव काही राशींवर शुभ दिसून येण्याची शक्यता आहे. या राशींना प्रचंड धनलाभ होण्याची शक्यता आहे. जाणून घेऊया कोणत्या आहेत या राशी…
मेष राशी
मेष राशीचा स्वामी मंगळ आहे. त्यामुळे या राशीतील लोकांना मंगळाचा होत असलेला राशी बदल शुभ परिणाम देऊ शकतो. या काळात मेष राशीच्या व्यावसायिकांना मोठी डील किंवा मोठी ऑर्डर मिळू शकते. व्यावसायिकांना मोठा फायदा होऊ शकतो. अचानक धनलाभ होऊ शकतो. करिअरमध्ये प्रगतीची संधी मिळू शकते. नवीन नोकरीची ऑफरही मिळू शकते. परदेश दौऱ्यावरही जाऊ शकता. दुसरीकडे, अविवाहित लोकांचं लग्न ठरू शकतं.
(हे ही वाचा : ९ दिवसांनी ‘या’ राशी होणार श्रीमंत? देवगुरु मार्गी होताच माता लक्ष्मीच्या कृपेने मिळू शकतो अपार पैसा )
तूळ राशी
मंगळाचे राशी बदल तूळ राशीच्या लोकांसाठी खूप आनंद घेऊन येणारं ठरु शकते. व्यवसायात चांगला नफा मिळण्याची दाट शक्यता आहे. केलेली गुंतवणूकही तुमच्यासाठी फायदेशीर ठरू शकते. स्पर्धा परीक्षांची तयारी करणाऱ्या तरुणांना या काळात चांगले निकाल मिळू शकतात. वडिलोपार्जित संपत्तीतून लाभ होण्याची शक्यता आहे. या काळात तुम्हाला कुटुंबातील सदस्यांचा पूर्ण वेळ मिळू शकेल. घरात सुख, शांती आणि समृद्धी राहू शकते. समाजात मान सन्मान-वाढू शकतो.
वृश्चिक राशी
वृश्चिक राशींच्या लोकांवर मंगळदेवाची विशेष कृपा राहू शकते. या काळात नशिबाची पूर्ण साथ मिळू शकते. एवढंच नाही तर या लोकांचे उत्पन्न वाढून या काळात आर्थिक स्थिती चांगली होण्याची शक्यता आहे. जर तुम्ही कुठे गुंतवणूक केली असेल तर तुम्हाला तिथून चांगला नफा मिळू शकतो. वाहन, जमीन, घर खरेदी करण्याचा विचार करत असाल तर ते यावेळी पूर्ण होण्याची शक्यता आहे. नोकरदार लोकांना प्रमोशन मिळण्याचीही शक्यता आहे. या काळात प्रगतीच्या नवीन संधीही उपलब्ध होऊ शकतात.
(टीप: वरील लेख हा प्राप्त माहितीवर आधारित आहे)
