ज्योतिष मानणाऱ्या लोकांचं ग्रहांच्या गोचराकडे विशेष लक्ष असतं. कोणता ग्रह कोणत्या स्थानात विराजमान आहे. त्याबरोबर वक्री आहे का? यावरून अंदाज बांधले जातात. काही ग्रह दीर्घ कालावधीनंतर राशी बदल करतात. तर काही ग्रह अल्पावधीतच राशी बदल करतात. ज्योतिषशास्त्रानुसार, प्रत्येत ग्रह त्याच्या निश्चित वेळी राशीमध्ये बदल करतात. यावेळी ग्रहांचा सेनापती आणि पुत्र मंगळ ग्रह १५ मार्च २०२४ ला कुंभ राशीत प्रवेश करणार आहे. अशा स्थितीत मंगळदेवाने कुंभ राशीत प्रवेश केल्याने काही राशींना फायदा होण्याची शक्यता आहे. जाणून घेऊया मंगळाच्या गोचरमुळे कोणत्या राशींच्या व्यक्तींना लाभ मिळू शकतो.
‘या’ राशी होणार गडगंज श्रीमंत?
वृश्चिक राशी
मंगळदेवाचे राशी परिवर्तन होताच वृश्चिक राशींच्या लोकांच्या उत्पन्नात दुप्पट वाढ होण्याची शक्यता आहे. या काळात नशीब तुमच्या बाजूने असण्याची शक्यता आहे. तुम्हाला काही चांगली बातमी मिळू शकते. गुंतवणुकीतून फायदा होण्याची शक्यता आहे. विवाहित लोकांना विवाहाचा प्रस्ताव येण्याची शक्यता आहे. तसंच अडकलेले पैसे तुम्हाला परत मिळू शकतात. माता लक्ष्मीच्या कृपेने तुमच्या बँक बॅलन्समध्ये वाढ होण्याची शक्यता आहे. सुख सुविधांमध्ये मोठी वाढ होऊ शकते.
(हे ही वाचा : Vastu Tips: घराच्या ‘या’ दिशेला मेणबत्ती लावल्याने सुख-समृद्धी नांदते दारी? शास्त्रात काय सांगितलंय पहा जरा )
मकर राशी
मंगळदेवाच्या राशी परिवर्तनाने या राशीतील लोकांना मोठा आर्थिक फायदा होण्याची शक्यता आहे. पैसे कमाई करण्याचे अनेक संधी तुम्हाला मिळू शकतात. नोकरदार वर्गाला प्रगतीच्या नवीन संधी मिळू शकतात. स्पर्धात्मक परीक्षा देणाऱ्या विद्यार्थ्यांना यश मिळू शकते. रखडलेली कामं पूर्ण होऊ शकतात. वैवाहिक जीवनात सकारात्मक परिणाम पाहायला मिळू शकतात. अचानक धनलाभ होण्याची शक्यता आहे. कुटुंबात काही धार्मिक किंवा शुभ कार्यक्रमाचं आयोजन करण्यात येऊ शकते.
कुंभ राशी
कुंभ राशीच्या लोकांना मंगळदेव आणि माता लक्ष्मीच्या कृपेने व्यवसायात चांगला नफा मिळण्याची शक्यता आहे. नोकरदार लोकांना या काळात पदोन्नती आणि वेतनवाढ मिळण्याची शक्यता आहे. तुमची आर्थिक स्थिती पूर्वीपेक्षा मजबूत होण्याची शक्यता आहे. या काळात तुमच्या सर्व इच्छा पूर्ण होऊ शकतात. नवीन घर किंवा मालमत्ता खरेदी करु शकता. कुटुंबातील सदस्यांमध्ये प्रेम आणि आपुलकी वाढण्याची शक्यता आहे.
(टीप: वरील लेख हा प्राप्त माहितीवर आधारित आहे)
