Mangal transit in karka: ज्योतिषशास्त्रानुसार मंगळाला साहस, पराक्रम, शौर्य, क्रोध, भूमी यांचा कारक ग्रह मानले जाते. त्यामुळे ज्या व्यक्तीच्या पत्रिकेत मंगळ शुभ स्थितीत असतो, असे लोक प्रत्येक क्षेत्रात आपला ठसा उमटवण्यासाठी सक्षम असतात. ज्योतिषशास्त्रानुसार प्रत्येक ग्रह एका निश्चित काळानंतर राशी परिवर्तन करतो. अनेकदा याचा फायदा काही राशींच्या व्यक्तींना होतो.
पंचांगानुसार, मंगळ ग्रह एप्रिल रोजी सकाळी १ वाजून ५६ मिनिटांनी कर्क राशीमध्ये प्रवेश करणार आहे. त्यानंतर ९ दिवसानंतर तो १२ एप्रिल रोजी सकाळी ६ वाजून ३२ मिनिटांनी पुष्य नक्षत्रामध्ये प्रवेश करणार आहे. त्यामुळे एका महिन्यात दोन वेळा राशी परिवर्तन करेल. ज्याच्या शुभ प्रभावाने काही राशींच्या व्यक्तींना प्रत्येक क्षेत्रात यश मिळवण्यात मदत होईल.
मंगळ देणार प्रत्येक क्षेत्रात यश
कर्क
मंगळाचे दोन वेळा होणारे राशी परिवर्तन कर्क राशीच्या व्यक्तींसाठी खूप लाभदायी सिद्ध होईल. या संक्रमणाच्या प्रभावाने व्यक्तीचा साहस, पराक्रम वाढेल. या काळात त्यांची आर्थिक स्थिती उत्तम राहून, कुटुंबात आनंदाचे वातावरण राहील. वैवाहिक जीवन सुखमय असेल. नव्या वस्तू खरेदी कराल. अविवाहितांची लग्ने जुळतील. नोकरी करणाऱ्या व्यक्तींच्या मेहनतीचे कौतुक होईल. या काळात तुमचे वरिष्ठ तुमच्यावर खूश असतील. नवीन नोकरी शोधणाऱ्यांना मनासारखी नोकरी मिळेल.
कन्या
कन्या राशीच्या व्यक्तींनादेखील मंगळाच्या राशी परिवर्तनाचा चांगला फायदा होईल. त्यामुळे या काळात तुमच्या सुख-सुविधांमध्ये वाढ होईल. नव्या वस्तू खरेदी कराल. नोकरीत प्रमोशन मिळेल. मुलांकडून आनंदी वार्ता येतील. कुटुंबातही आनंदी आनंद असेल. स्पर्धा परीक्षेत यश मिळेल. तुमचे वरिष्ठ तुमच्यावर खूश असतील. करिअरमध्ये चांगली प्रगती होईल. गुंतवणूक करणं तुमच्यासाठी अधिक फायदेशीर ठरेल.
तूळ
मंगळाचे दोन वेळा होणार राशी परिवर्तन तूळराशीच्या व्यक्तींसाठी शुभ फळ देणारे असेल. या काळात तुम्हाला अनेक आकस्मिक धनलाभ होतील. प्रत्येक कामात कुटुंबीयांची साथ मिळेल. तुमच्या सर्व अडचणी दूर होतील. तीर्थक्षेत्रांना भेट द्याल. दूरचे प्रवासही घडतील. नोकरी करणाऱ्यांची पगारवाढ होईल. तसेच अडकलेले पैसे मिळतील. प्रेमसंबंध सुखमय होतील. नवे लोक, नवे छंद यांच्याशी जोडले जाल. शारीरिक आणि मानसिक आरोग्य उत्तम असेल. मित्रांसोबत चांगला वेळ घालवाल.
(टीप: सदर लेख प्राप्त माहितीवर आधारित आहे. )