Mangal Gochar In Aries: ज्योतिषशास्त्रानुसार मंगळाला साहस, पराक्रम, शौर्य, क्रोध, भूमी यांचा कारक ग्रह मानले जाते. त्यामुळे ज्या व्यक्तीच्या पत्रिकेत मंगळ शुभ स्थितीत असतो, असे लोक प्रत्येक क्षेत्रात आपला ठसा उमटवण्यासाठी सक्षम असतात. ज्योतिषशास्त्रानुसार प्रत्येक ग्रह एका निश्चित काळानंतर राशी परिवर्तन करतो. अनेकदा याचा फायदा काही राशींच्या व्यक्तींना होतो. मंगळ ग्रह १ जून रोजी आपल्या स्वराशीत प्रवेश करणार आहे. मंगळाचे मेष राशीतील हे परिवर्तन काही राशींच्या व्यक्तींसाठी खूप खास ठरणार आहे.
२३ एप्रिल रोजी मंगळ ग्रहाने मीन राशीत प्रवेश केला होता; तो १ जूनपर्यंत या राशीत असेल. त्यानंतर त्याचे राशी परिवर्तन मेष राशीत होताच तीन राशींना आर्थिक लाभ होतील.
मेष
मंगळ मेष राशीचा स्वामी ग्रह आहे. त्यामुळे या राशीच्या व्यक्तींवर नेहमीच मंगळाची कृपा असते. मेष राशीतील राशी परिवर्तनात मंगळ मेष राशीच्या लग्न स्थानात असेल; ज्याच्या प्रभावाने या व्यक्तींचा साहस, पराक्रम वाढेल. या काळात त्यांची आर्थिक स्थिती उत्तम राहून, कुटुंबात आनंदाचे वातावरण राहील. वैवाहिक जीवन सुखमय असेल. नव्या वस्तू खरेदी कराल. अविवाहितांची लग्ने जुळतील. नोकरी करणाऱ्या व्यक्तींच्या मेहनतीचे कौतुक होईल. या काळात तुमचे वरिष्ठ तुमच्यावर खूश असतील. नवीन नोकरी शोधणाऱ्यांना मनासारखी नोकरी मिळेल.
धनु
धनु राशीच्या व्यक्तींनादेखील मंगळाच्या मेष राशीतील परिवर्तनाचा चांगला फायदा होईल. कारण- हे संक्रमण धनु राशीच्या पाचव्या घरात होईल. त्यामुळे या काळात तुमच्या सुख-सुविधांमध्ये वाढ होईल. नव्या वस्तू खरेदी कराल. नोकरीत प्रमोशन मिळेल. मुलांकडून आनंदी वार्ता येतील. कुटुंबातही आनंदी आनंद असेल. स्पर्धा परीक्षेत यश मिळेल. तुमचे वरिष्ठ तुमच्यावर खूश असतील. करिअरमध्ये चांगली प्रगती होईल.
मीन
मेष राशीतील मंगळाचे संक्रमण मीन राशीच्या व्यक्तींसाठी शुभ फळ देणारे असेल. या काळात तुम्हाला अनेक आकस्मिक धनलाभ होतील. प्रत्येक कामात कुटुंबीयांची साथ मिळेल. तुमच्या सर्व अडचणी दूर होतील. तीर्थक्षेत्रांना भेट द्याल. दूरचे प्रवासही घडतील. नोकरी करणाऱ्यांची पगारवाढ होईल. तसेच अडकलेले पैसे मिळतील. प्रेमसंबंध सुखमय होतील. नवे लोक, नवे छंद यांच्याशी जोडले जाल. शारीरिक आणि मानसिक आरोग्य उत्तम असेल. मित्रांसोबत चांगला वेळ घालवाल.
(टीप – सदर लेख प्राप्त माहितीवर आधारित आहे. )
