३ एप्रिलपासून मंगळ देणार नुसता पैसा; चंद्राच्या राशीतील प्रवेश ‘या’ तीन राशींच्या आयुष्यात अचानक धनलाभ ते प्रेम, प्रसिद्धी अन् नोकरीत बढती देणार

पंचांगानुसार, सध्या मंगळ मिथुन राशीत विराजमान असून येत्या ३ एप्रिल रोजी सकाळी १ वाजून ५६ मिनिटांनी कर्क राशीत प्रवेश करेल, तसेच या राशीत तो ७ जूनपर्यंत राहील. मंगळ ग्रहाच्या चालीत बदल होणार आहे, काही राशीच्या व्यक्तींना फायदेशीर ठरेल.

मंगळ ‘या’ तीन राशींना करणार मालामाल

कर्क

मंगळाचे राशी परिवर्तन कर्क राशीच्या व्यक्तींसाठी खूप लाभदायी सिद्ध होईल. या व्यक्तींचा साहस, पराक्रम वाढेल. या काळात त्यांची आर्थिक स्थिती उत्तम राहून, कुटुंबात आनंदाचे वातावरण राहील. वैवाहिक जीवन सुखमय असेल. नव्या वस्तू खरेदी कराल. अविवाहितांची लग्ने जुळतील. नोकरी करणाऱ्या व्यक्तींच्या मेहनतीचे कौतुक होईल. या काळात तुमचे वरिष्ठ तुमच्यावर खूश असतील. नवीन नोकरी शोधणाऱ्यांना मनासारखी नोकरी मिळेल.

कन्या

कन्या राशीच्या व्यक्तींना देखील मंगळाच्या राशी परिवर्तनाचा चांगला फायदा होईल. त्यामुळे या काळात तुमच्या सुख-सुविधांमध्ये वाढ होईल. नव्या वस्तू खरेदी कराल. नोकरीत प्रमोशन मिळेल. मुलांकडून आनंदी वार्ता येतील. कुटुंबातही आनंदी आनंद असेल. स्पर्धा परीक्षेत यश मिळेल. तुमचे वरिष्ठ तुमच्यावर खूश असतील. करिअरमध्ये चांगली प्रगती होईल. गुंतवणूक करणं तुमच्यासाठी अधिक फायदेशीर ठरेल.

कुंभ

कुंभ राशीच्या व्यक्तींनाही मंगळाचे राशी परिवर्तन शुभ फळ देणारे असेल. या काळात तुम्हाला अनेक आकस्मिक धनलाभ होतील. प्रत्येक कामात कुटुंबीयांची साथ मिळेल. तुमच्या सर्व अडचणी दूर होतील. तीर्थक्षेत्रांना भेट द्याल. दूरचे प्रवासही घडतील. नोकरी करणाऱ्यांची पगारवाढ होईल. तसेच अडकलेले पैसे मिळतील. प्रेमसंबंध सुखमय होतील. नवे लोक, नवे छंद यांच्याशी जोडले जाल. शारीरिक आणि मानसिक आरोग्य उत्तम असेल. मित्रांसोबत चांगला वेळ घालवाल.

(टीप: वरील लेख प्राप्त माहितीवर आधारित आहे.)