ज्यावेळी एखादा ग्रह गोचर करतो तेव्हा प्रत्येक राशीवर त्याचा काहीना काही प्रभाव पडताना दिसतो. मंगळ ग्रह हा ऊर्जा, जमीन, सामर्थ्य, धैर्य, पराक्रम, शौर्य यांचा कारक आहे. असे मानले जाते की, ज्या व्यक्तीच्या कुंडलीत मंगळाची स्थिती चांगली असते, तो धैर्यवान आणि निर्भय असतो आणि प्रत्येक क्षेत्रात यश मिळवतो. मंगळ ग्रह हा सर्व ग्रहांचा सेनापती म्हणूनही ओळखला जातो. ज्योतिषशास्त्रानुसार मंगळ ग्रहाने तूळ राशीत प्रवेश केला आहे. १६ नोव्हेंबरपर्यंत मंगळ देव याच राशीत विराजमान राहणार आहेत. त्यामुळे काही राशींना मोठा धनलाभ होण्याची शक्यता आहे, चला तर पाहूया कोणत्या आहेत या भाग्यशाली राशी…
‘या’ राशींना मिळणार अचानक भरपूर पैसा
वृषभ राशी
मंगळदेव या राशीत सहाव्या भावात विराजमान आहेत. यामुळे वृषभ राशीतील लोकांना मोठा फायदा होण्याची शक्यता आहे. करिअरमध्ये नवीन संधी मिळण्याची शक्यता आहे. वाहन आणि मालमत्ता खरेदी करु शकता. अविवाहित असणाऱ्यांना लग्नाची मागणी येण्याची शक्यता असून कुटुंबातील वातावरण आनंदी राहण्याची शक्यता आहे.
(हे ही वाचा: कठोर परिश्रम करुन भरपूर पैसा कमावतात ‘या’ ५ राशींचे लोकं? कमी वेळेत श्रीमंत होण्यासाठी करतात प्रचंड मेहनत!)
कर्क राशी
मंगळदेव या राशीत चौथ्या भावात विराजमान आहेत. या राशीतील लोकांना अनपेक्षित पैसे मिळू शकतात. तुमचे अडकलेले पैसे परत मिळू शकतात. जे लोकं याकाळात नोकरी बदलण्याचा विचार करत आहेत त्यांना उत्कृष्ट संधी मिळू शकतात. व्यावसायिकांनाही यावेळी चांगला फायदा होऊ शकतो. या काळात तुमची आर्थिक स्थिती खूप मजबूत राहू शकते.
तूळ राशी
तूळ राशीत मंगळदेव पहिल्या भावात विराजमान आहेत. त्यामुळे या राशीच्या लोकांच्या उत्पन्नात वाढ होण्याची शक्यता आहे. नोकरी करणाऱ्या लोकांना चांगला बोनस मिळण्याची शक्यता आहे. या काळात तुमच्या सर्व इच्छा या पूर्ण होण्याची शक्यता आहे. बेरोजगारांना नोकरीची उत्तम संधी मिळण्याची शक्यता आहे. जोडीदाराची उत्तम साथ मिळण्याची शक्यता आहे. या काळात शुभवार्ता ऐकायला मिळू शकतात.
(टीप: वरील लेख हा प्राप्त माहितीवर आधारित आहे)
