Mangal Transit In Pisces: वैदिक ज्योतिषशास्त्रानुसार प्रत्येक ग्रह एका विशिष्ट कालावधीने राशी बदल करत असतो, ज्याचा प्रभाव मानवी जीवनावर दिसून येतो. यात भूमिपुत्र मंगळ एप्रिलमध्ये मीन राशीत प्रवेश करणार आहे, ज्याचा प्रभाव सर्व राशीच्या लोकांवर दिसून येईल. पण, अशा तीन राशी आहेत ज्यांचे नशीब यावेळी चमकू शकते. तसेच या राशींच्या धन-संपत्तीत वाढ होऊ शकते. या भाग्यशाली राशी कोणत्या आहेत, जाणून घेऊ…
मिथुन राशी (Mithun Zodiac)
मंगळाचे राशी संक्रमण मिथुन राशीच्या लोकांसाठी फायदेशीर ठरू शकते. यावेळी तुम्हाला काम आणि व्यवसायात अपेक्षित प्रगती साधता येऊ शकते. तुमची आर्थिक बाजू मजबूत होण्याची शक्यता आहे. तुमचे थकलेले आर्थिक व्यवहार मार्गी लागण्याची शक्यता आहे. बेरोजगारांना नोकरीच्या नवीन संधी मिळू शकतात. तुम्हाला तुमच्या व्यवसायाचा चांगल्या प्रकारे विस्तारही करता येऊ शकतो. तसेच जर तुम्ही क्रीडा, पोलिस, सैन्य, वैद्यकीय आणि अभियांत्रिक या क्षेत्रात असाल तर हा काळ तुमच्यासाठी खूप चांगला आहे.
कर्क राशी (Cancer Zodiac)
कर्क राशीच्या लोकांसाठी मंगळाचे राशी संक्रमण शुभ ठरू शकते. यावेळी नशीब तुम्हाला साथ देईल. तसेच, न्यायालयाशी संबंधित कोणताही निकाल असेल तर तो तुमच्या बाजूने लागू शकतो. प्रलंबित कामात यश मिळू शकेल. यावेळी तुम्हाला देश-विदेशात फिरण्याची संधी निर्माण होईल. तुम्ही कोणत्याही धार्मिक किंवा शुभ कार्यक्रमात सहभागी होऊ शकता. नशिबाने साथ दिली तर तुम्हाला सरकारी योजनांचा लाभ मिळू शकेल.
वृश्चिक राशी (Scorpio Zodiac)
मीन राशीत मंगळाचा प्रवेश वृश्चिक राशीच्या लोकांसाठी फायदेशीर ठरू शकतो. यावेळी तुम्हाला तुमच्या मुलांशी संबंधित काही चांगली बातमी मिळू शकते. तसेच तुम्हाला वैवाहिक जीवनात तुमच्या जोडीदाराची चांगली साथ मिळू शकते. तुम्हाला धार्मिक कार्यात रस निर्माण होऊ शकतो. यावेळी अडकलेले आर्थिक व्यवहार मार्गी लागतील, ज्यामुळे तुमची आर्थिक स्थिती सुधारेल.
