Mars Transit 2025: ज्योतिषशास्त्रात मंगळ ग्रहाला ग्रहांचा सेनापती म्हटले जाते. तसेच मंगळाला साहस, पराक्रम, शौर्य, क्रोध, भूमी यांचा कारक ग्रह मानले जाते. त्यामुळे ज्या व्यक्तीच्या पत्रिकेत मंगळ शुभ स्थितीत असतो, असे लोक प्रत्येक क्षेत्रात आपला ठसा उमटवण्यासाठी सक्षम असतात. ज्योतिषशास्त्रानुसार प्रत्येक ग्रह एका निश्चित काळानंतर राशी परिवर्तन किंवा नक्षत्र परिवर्तन करतो. सध्या मंगळ पुनर्वसु नक्षत्रामध्ये विराजमान असून तो १२ एप्रिल रोजी पुष्य नक्षत्रामध्ये प्रवेश करणार आहे. पुष्य नक्षत्राचा स्वामी ग्रह शनी आहे, त्यामुळे मंगळाचे हे नक्षत्र परिवर्तन काही राशींच्या व्यक्तींसाठी अत्यंत अनुकूल सिद्ध होईल.
मंगळ ‘या’ राशींची करणार चांदी
मेष
मेष राशीच्या व्यक्तींसाठी मंगळाचे नक्षत्र परिवर्तन खूप भाग्यदायी ठरेल. या काळात प्रत्येक क्षेत्रात तुम्हाला यश मिळेल. नोकरी करणाऱ्यांचे प्रमोशन होण्याची दाट शक्यता आहे. कुटुंबात आनंदाचे वातावरण राहील. वैवाहिक जीवन सुखमय असेल. नव्या वस्तू खरेदी कराल. अविवाहितांची लग्ने जुळतील. नोकरी करणाऱ्या व्यक्तींच्या मेहनतीचे कौतुक होईल. या काळात तुमचे वरिष्ठ तुमच्यावर खूश असतील.
कन्या
मंगळाचे नक्षत्र परिवर्तन कन्या राशीच्या व्यक्तींसाठी खूप फायदेशीर ठरले. मंगळ तुमचा आत्मविश्वास वाढवेल. या काळात नोकरी करणाऱ्यांची पगारवाढ होईल. तसेच अडकलेले पैसे मिळतील. प्रेमसंबंध सुखमय होतील. नवे लोक, नवे छंद यांच्याशी जोडले जाल. शारीरिक आणि मानसिक आरोग्य उत्तम असेल. कुटुंबात आनंदाचे वातावरण असेल. नवीन नोकरी शोधणाऱ्यांना मनासारखी नोकरी मिळेल.
मकर
मकर राशीच्या व्यक्तींसाठी मंगळ ग्रहाचे नक्षत्र परिवर्तन अनुकूल सिद्ध होईल. या काळात तुमच्या सुख-सुविधांमध्ये वाढ होईल. नव्या वस्तू खरेदी कराल. करिअरमध्ये चांगली प्रगती होईल. गुंतवणूक करणं तुमच्यासाठी अधिक फायदेशीर ठरेल. नोकरीत प्रमोशन मिळेल. मुलांकडून आनंदी वार्ता येतील. कुटुंबातही आनंद आणि शांती असेल. स्पर्धा परीक्षेत यश मिळेल. तुमचे वरिष्ठ तुमच्यावर खूश असतील. हातात घेतलेली सर्व कामे पूर्ण होतील.
(टीप: वरील लेख प्राप्त माहितीवर आधारित आहे.)
