Budh Gochar In Cancer : वैदिक ज्योतिषशास्त्रानुसार, ग्रहांचा राजकुमार बुध चंद्रानंतर सर्वात वेगवान प्रवास करतो. बुध ग्रहाला एका राशीतून दुसऱ्या राशीत जाण्यासाठी एका महिन्यापेक्षा कमी वेळ लागतो. बुध ग्रह २९ जून रोजी कर्क राशीत प्रवेश करणार आहे. ज्याचा प्रभाव सर्व राशीच्या लोकांवर दिसून येईल. पण अशा ३ राशी आहेत ज्यांचे नशीब यावेळी बदलू शकते. तसेच करिअर आणि व्यवसायात चांगली प्रगती होऊ शकते. चला जाणून घेऊया कोणत्या राशीचे हे लोक आहेत…
कर्क
बुधाचे गोचर तुमच्यासाठी फायदेशीर ठरू शकते. कारण हे गोचर तुमच्या राशीच्या चढत्या घरावर होणार आहे. त्यामुळे या काळात तुमचे व्यक्तिमत्त्व सुधारेल. तसेच, तुमच्या नियोजित योजना यशस्वी होतील. या काळात तुमचा आत्मविश्वास वाढेल. तुमचा विवेकही वाढेल आणि तुम्ही सर्व काम संयमाने कराल. तसेच, विवाहित लोकांचे वैवाहिक जीवन यावेळी खूप छान असेल. यावेळी अविवाहितांना लग्नासाठी स्थळ येऊ शकते. व्यवसायात पार्टनरशीपमधूनही होईल तुम्हाला फायदा.
हेही वाचा – २४ तासांमध्ये राशींच्या लोकांचा सुरु होईल सुवर्णकाळ, गुरुच्या नक्षत्र बदलामुळे अचानक होईल धनलाभ
मिथुन
मिथुन राशीच्या लोकांसाठी बुधाचे गोचर शुभ ठरू शकते. कारण बुध ग्रह तुमच्या राशीचा स्वामी आहे. तसेच बुध ग्रह तुमच्या कुंडलीतील धन गृहावर गोचर करणार आहे. त्यामुळे या काळात तुमच्या व्यवसायात आणि नोकरीत बदल होण्याची शक्यता आहे. या काळात तुमची प्रगती होईल. तसेच मिथुन राशीच्या लोकांना व्यवसायात भरपूर फायदा होणार आहे. या काळात तुम्हाला अडकलेले पैसे मिळतील. यावेळी तुमची आर्थिक स्थिती सुधारेल.
हेही वाचा – Mangal Gochar 2024 : मंगळ गोचरमुळे ‘या’ तीन राशींचे चमकणार नशीब, मिळेल छप्परफाड पैसा
कन्या
बुधाचा राशी बदल तुमच्यासाठी अनुकूल ठरू शकतो. कारण बुध ग्रह तुमच्या राशीच्या उत्पन्न आणि लाभ स्थानात गोचर करणार आहे. त्यामुळे या काळात तुमचे उत्पन्न प्रचंड वाढू शकते. तसेच, तुमच्या उत्पन्नाचे नवीन स्रोत निर्माण होऊ शकतात. फक्त तुमची मेहनत तुम्हाला प्रसिद्धी आणि सन्मान मिळवून देईल. तसेच, यावेळी तुम्हाला गुंतवणुकीचा फायदा होईल. तुम्हाला तुमच्या करिअरमध्ये एखाद्या प्रोजेक्टद्वारे यश आणि प्रसिद्धी मिळेल. तुम्हाला शेअर मार्केट, बेटिंग आणि लॉटरीमध्येही चांगला नफा मिळेल.
© IE Online Media Services (P) Ltd
