७ फेब्रुवारीला बुध ग्रहाने धनु राशी सोडून मकर राशीत प्रवेश केला आहे. सूर्य देव आधीच मकर राशीत बसला आहे, अशा प्रकारे सूर्य आणि बुध एकाच राशीत समोरासमोर असतील आणि बुधादित्य नावाचा राजयोग देखील तयार करतील. वैदिक ज्योतिषशास्त्रानुसार मिथुन आणि कन्या राशीचा स्वामी बुध हा बुद्धिमत्ता आणि वाणीचा कारक आहे. मकर राशीत बुधाचे संक्रमण देश आणि जगासह सर्व १२ राशींवर परिणाम करेल. तर जाणून घेऊया की, बुध ग्रहाच्या संक्रमणामुळे कोणत्या राशीच्या लोकांना त्रास होऊ शकतो..
वृषभ राशी
बुधाचे संक्रमण तुमच्या राशीसाठी त्रासदायक ठरू शकते. या काळात तुम्ही केलेले काम काही कारणाने अडकू शकते आणि गुंतवणुकीकडे लक्ष दिले नाही तर आर्थिक नुकसान होऊ शकते. याकाळात तुमच्या बोलण्यावर नियंत्रण ठेवा, अन्यथा रागाच्या भरात काहीही बोलल्याने त्रास होईल. याचा परिणाम तुमच्या वडिलांसोबतच्या तुमच्या नातेसंबंधावरही होऊ शकतो. यासह, लांबच्या प्रवासाला जाण्याची शक्यता देखील असेल, ज्यामुळे आरोग्याच्या समस्या उद्भवू शकतात. या काळात जोडीदारासोबत एखाद्या गोष्टीवरून मतभेद होऊ शकतात.
कर्क राशी
बुधाचे संक्रमण तुमच्या राशीसाठी थोडे त्रासदायक ठरू शकते. या काळात तुम्हाला एखाद्या स्त्रीमुळे अनेक समस्यांना सामोरे जावे लागू शकते, जे तुमच्यासाठी चांगले राहणार नाही. जास्त काम केल्याने आरोग्यावरही विपरीत परिणाम होऊ शकतो. तसंच कोणाशीही पैशाचे व्यवहार करणे टाळा आणि तुमची गुपिते कोणाशीही शेअर करू नका. सरकारी क्षेत्रात काम करणाऱ्या लोकांना संकटांचा सामना करावा लागू शकतो. बुधाचे संक्रमण नोकरी आणि व्यावसायिकांसाठी अनेक समस्या निर्माण करू शकते, कामात काही अडथळे येतील, ज्यामुळे तुम्ही तणावात रहाल.
( हे ही वाचा: यंदाच्या महाशिवरात्रीला ‘या’ राशींना होणार अचानक धनलाभ? भगवान शंकराची असेल विशेष कृपा)
वृश्चिक राशी
बुधाचे संक्रमण तुमच्या राशीसाठी अनेक आव्हाने घेऊन येईल. या काळात तुम्हाला कामाच्या ठिकाणी वरिष्ठ अधिकाऱ्यांशी त्रास होईल आणि तुमच्या कामात अडथळे येतील. प्रवासादरम्यान तुम्हाला तुमच्या खर्चाकडेही लक्ष द्यावे लागेल. या काळात कोणाशीही वाद घालणे टाळा कारण यामुळे तुम्हाला शारीरिक आणि मानसिक त्रास होऊ शकतो. याकाळात तुमच्या बोलण्यावर संयम ठेवावा कारण एखादी गोष्ट तुमच्या जोडीदाराला दुखवू शकते, ज्यामुळे तुमच्या नात्यावर परिणाम होऊ शकतो. या काळात आत्मविश्वासाने काम करा.
( वरील बातमी माहिती आणि गृहीतके यांवर आधारित आहे.)
