०६ ऑगस्ट पंचांग: लग्नाची बोलणी, आर्थिक लाभ तर नोकरदार वर्गासाठी खास दिवस; असा असेल मेष ते मीन राशींचा आठवड्याचा दुसरा दिवस

6th August 2024 Marathi Panchang & Rashi Bhavishya: आज ६ ऑगस्ट २०२४ रोजी श्रावण महिन्याच्या शुक्ल पक्षातील द्वितीया तिथी आहे. यंदा पहिली मंगळागौर आजच्या दिवशी साजरी केली जाईल. श्रावणी मंगळवारी अनेक ठिकाणी मंगळागौरीचे पूजन केले जाते. नवविवाहित स्त्रियांसाठी हा सण साजरा केला जातो. या दिवशी देवी पार्वतीची पूजा केली जाते. तर आज मंगळवारी मघा नक्षत्र ५ वाजून ८ मिनिटांपर्यंत जागृत असेल. राहू काळ दुपारी ३ वाजून ३७ मिनिटांपासून सुरु होईल ते ५ वाजून १५ मिनिटांपर्यंत राहील. तसेच अभिजित मुहूर्त सकाळी ११ वाजून ५५ मिनिटांपासून सुरु होईल ते दुपारी १२ वाजून ४७ मिनिटांपर्यंत असेल. तर आजचा मंगळवार १२ राशींना कसा जाईल याबद्दल जाणून घेऊ या…