Foodie Zodiac Signs : प्रत्येक व्यक्तीच्या आवडी-निवडी, सवयी किंवा छंद वेगवेगळे असतात. काही लोकांना खाण्याचा छंद असतो. अशा लोकांना नेहमी नवनवीन पदार्थ खायला आवडतात.खरं तर माणूस पोटापाण्यासाठी कष्ट करतो. अन्न ही माणसाची प्राथमिक गरज असते, पण सतत फक्त खाण्याचा विचार करणे हे खादाड असण्याचे लक्षण असते. आज आपण अशाच चार खादाड राशींविषयी जाणून घेऊ या. मेष मेष राशीच्या लोकांना खायला प्रचंड आवडते. यांना तळलेले किंवा बटाट्याचे पदार्थ सर्वात जास्त आवडतात. यांना वेगवेगळ्या नवीन नवीन पदार्थांचा स्वाद घ्यायला आवडतो. या राशीच्या व्यक्तींना घरीसुद्धा नवनवीन पदार्थ बनवायला आवडते. वृषभ ज्योतिषशास्त्रानुसार वृषभ राशीचा स्वामी शुक्र ग्रह असतो.शुक्र ग्रह हा धन वैभवाचा कारक मानला जातो. वृषभ राशीच्या लोकांना फिरायला किंवा पार्टी करायला खूप आवडते. या राशीची व्यक्ती इतरांनासुद्धा जेवायला आवडीने आमंत्रित करतात. यांना खाण्याची इतकी आवड असते, की ते अनेकदा प्रमाणाबाहेर खातात; त्यामुळे यांना शारीरिक समस्यांचासुद्धा अनेकदा सामना करावा लागतो. हेही वाचा : Chanakya Niti : ‘या’ चुकांमुळे व्यक्तीच्या जीवाला कधीच शांतता मिळत नाही; चाणक्य सांगतात, “मृत्यूनंतरही…” सिंह सिंह राशीच्या व्यक्तींना गोड पदार्थ खाण्याचा खूप छंद असतो. ते कधीही गोड पदार्थाला नकार देत नाही. नवनवीन गोड पदार्थ आवडीने खातात. यांना नेहमी जेवण झाल्यानंतर गोड पदार्थ खायची सवय असते. मकर मकर राशीचे लोक हेल्दी आहार घेतात. त्यांना हिरव्या पालेभाज्या, फळे, डाळींचा समावेश असलेला आहार आवडतो. हे लोक खूप खादाड असतात, पण नेहमी आरोग्यदायी आहार घेणे यांना आवडते. (टीप : वरील लेख हा प्राप्त माहितीवर आधारित आहे)
