३ सप्टेंबरपर्यंत ‘या’ ७ राशींच्या नशिबात राहणार लक्ष्मीकृपा; रक्षाबंधनाला अनुभवाल नारळीभाताचा गोडवा

२८ ऑगस्ट ते ३ सप्टेंबर, वाचा तुमच्या राशीचं भविष्य

मेष (Aries Zodiac Horoscope)

मेष राशीच्या मंडळींना जर योग्य वेळी योग्य निर्णय घेतला तर हा आठवडा त्यांच्यासाठी सोन्याहून पिवळे सुखाचे दिवस घेऊन येऊ शकतो. मंगळवार तुमच्यासाठी अत्यंत लाभदायक असणार आहे. प्रत्येक गोष्टीसाठी विचार व वेळ हा ताळमेळ नक्की साधून घ्या.

वृषभ (Taurus Zodiac Horoscope)

तुमची इच्छापूर्ती होण्याचा हा कालावधी असणार आहे. तुम्ही ज्या गोष्टीसाठी प्रयत्न करत आला आहात ती लवकरच पूर्ण होणार आहे. मात्र शेवटच्या टप्यात तुमच्या प्रयत्नांचा वेग सुद्धा वाढवावा लागले. मंगळवार आपल्यासाठी सुद्धा शुभ असणार आहे.

मिथुन (Gemini Zodiac Horoscope)

तुमच्या आयुष्याला कलाटणी देणारी एखादी घटना घडणे अपेक्षित आहे. दिनांक २८, २९ या दोन दिवसांत आपण कितीही शांत राहण्याचा प्रयत्न केला तरी तसे होणार नाही. समोरून अशा काही गोष्टी येतील की आपला रागाचा पारा चढणारा असेल. व्यावसायिक वाढ व्हावी म्हणून ज्या जाहिरात माध्यमांचा वापर करणार आहात, ती फायद्याची असेल. नोकरदार वर्गाच्या कामातील गती वाढेल. आर्थिक नियोजन करा. भावंडांशी संवाद जपून करा.

कर्क (Cancer Zodiac Horoscope)

षष्ठस्थानातून अष्टमस्थानाकडे चंद्राचे भ्रमण होत आहे. व्यवसायात जे चालले आहे ते चांगलेच आहे असे समजा. नोकरदार वर्गाने स्वत:हून कामकाजात कोणताही बदल करू नका. खर्च करताना विचार करा. या सगळ्यात सुखाची बाजू इतकीच की तुम्हाला जोडीदार महत्त्वाची साथ देईल. प्रकृतीबाबतीत हलगर्जीपणा टाळा.

सिंह (Leo Zodiac Horoscope)

आर्थिक व्यवहार करताना हुशारीने वागा. राजकीय क्षेत्रात हस्तक्षेप करणे टाळा. कुटुंबाशी एकनिष्ठ राहा. आध्यात्मिक गोष्टीत गुंतून राहिल्यास मानसिकता चांगली राहील. प्रकृतीची काळजी घ्या.

कन्या (Virgo Zodiac Horoscope)

दिनांक ३०, ३१ हे दोन दिवस शांत राहून सुवर्णमध्य साधा. कोणाला कुठलाही सल्ला देत बसू नका. स्पष्ट बोलल्यामुळे दुरावा येणार नाही याची काळजी घ्या. मैत्रीच्या नात्यात सलोखा वाढेल. मित्रांच्या साथीने आपण अनेक त्रास विसरून जाऊ शकता.

तूळ (Libra Zodiac Horoscope)

नारळी पौर्णिमेचा दिवस शुभदायक असेल. व्यवसायातून अपेक्षेपेक्षा जास्त मोबदला मिळणार आहे. त्यामुळे पूर्वी केलेल्या गुंतवणुकीचा फायदा होईल हे निश्चित. नोकरदार वर्गाने समतोल साधावा. आर्थिकदृष्टय़ा बचतीकडे लक्ष द्या. राजकीय क्षेत्रात नवीन कामाची सुरुवात होईल.

वृश्चिक (Scorpio Zodiac Horoscope)

दिनांक १ व २ आपल्यासाठी अत्यंत लाभदायक सिद्ध होऊ शकतो. नशीब आपल्यावर मेहेरबान असणार आहे. धन लाभ होण्यासह नवीन कामाची सुरुवात होण्याची सुद्धा चिन्हे आहेत. सूर्य देव आपल्यावर प्रसन्न असणार आहेत.

धनु (Sagittarius Zodiac Horoscope)

तुमच्या मनाचा कौल निश्चितच ऐकायला हवा. तुम्ही एखाद्या अशा स्थितीत अडकू शकता जिथून बाहेर पडण्याची किल्ली फक्त तुमच्याच मेंदूत असणार आहे. तुमचे हितचिंतक सुद्धा संभ्रमात असतील त्यामुळं कोणाचंही मत घेण्यापेक्षा तुमच्या मानाने सांगितल्याप्रमाणे निर्णय घ्या.

मकर (Capricorn Zodiac Horscope)

तुमच्या बोलण्यावरून तुमचा सन्मान होणार आहे. कमी कष्टात अधिक लाभ असे काहीसे या आठवड्याचे समीकरण असणार आहे. नशिबाची साथ लाभेल त्यामुळे शेअर बाजारात गुंतवणुकीचा सुद्धा विचार करू शकता. नारळी पौर्णिमेदिवशी वादविवाद टाळा

कुंभ (Aquarius Zodiac Horoscope)

३१ ऑगस्ट व २ सप्टेंबर हे दिवस तुमच्यासाठी अत्यंत लाभदायक असणार आहेत. नारळी पौर्णिमा तुमच्या राशीतूनच होत आहे. या दिवशी पूर्वपरंपरा जपाल. हा दिवस चांगला असेल.मैत्रीचे नाते दृढ होईल. जोडीदाराच्या भावनांचा आदर करा.

‘या’ ४ राशींच्या महिला कोणालाच घाबरत नाहीत! कशात आहे त्यांची ताकद? ज्योतिषशास्त्र सांगतं…

मीन (Pisces Zodiac Horoscope)

जोडीदाराचे मत पटले नाही तरी पटवून घ्यावे लागेल त्यामुळे मन शांत ठेवण्यासाठी योगसाधनेला महत्त्व द्या.२८ व २९ ऑगस्ट हे दिवस उत्तम असतील. तुम्हाला आई वडिलांच्या रूपात धनलाभ होऊ शकतो.

(टीप: वरील लेख हा प्राप्त माहितीवर आधारित आहे)