Rang Panchami Vishesh Rashi Bhavishya : १९ मार्च २०२५ रोजी फाल्गुन महिन्याच्या कृष्ण पक्षातील पंचमी तिथी आहे. पंचमी तिथी रात्री १२ वाजून ३८ मिनिटांपर्यंत राहील. हर्ष योग संध्याकाळी ५ वाजून ३८ मिनिटांपर्यंत जुळून येणार आहे. तसेच विशाखा नक्षत्र रात्री ८ वाजून ५० मिनिटांपर्यत जागृत असणार आहे. याशिवाय आज रंगपंचमीचा सण साजरा केला जाणार आहे. होळीनंतर पाच दिवसांनी साजरा करण्यात येतो तो रंगपंचमीचा सण. फाल्गुन कृष्ण पंचमीला भगवान श्रीकृष्णाने गोकुळातील सर्व महिला आणि पुरुषांसोबत एकत्र करुन रंगपंचमीचा उत्सव केला होता. तर आजचा दिवस तुमच्या राशीसाठी कसा असणार हे आपण जाणून घेऊया…
१९ मार्च पंचांग व राशिभविष्य (Daily Horoscope) :
मेष राशिभविष्य (Aries Horoscope Today)
कौटुंबिक सौख्यात वाढ होईल. बोलतांना वाणीत गोडवा ठेवाल. गायक लोकांचे कौतुक केले जाईल. झोपेचे तक्रार जाणवेल. चटपटीत पदार्थ चाखाल.
वृषभ राशिभविष्य (Taurus Horoscope Today)
सर्वजण तुमच्याकडे आकर्षित होतील. तुमची वागणूक प्रेमळपणाची असेल. आल्या-गेल्याचे उत्तम स्वागत कराल. गोड बोलून कार्यभाग साधता येईल. प्रलोभनाला बळी पडू नका.
मिथुन राशिभविष्य (Gemini Horoscope Today)
चैनीच्या वस्तूंवरील खर्च वाढेल. जोडीदाराच्या सौख्यात रममाण व्हाल. स्पष्टपणे बोलणे टाळावे. फसवणुकीपासून सावध सहा. मानसिक चंचलता जाणवेल.
कर्क राशिभविष्य (Cancer Horoscope Today)
मनातील सर्व इच्छा पूर्ण होतील. व्यापारी वर्गाला चांगला धनलाभ होईल. मुलांच्या कला गुणांचे कौतुक कराल. हौस मौज पूर्ण करून घ्याल. स्त्रियांच्या सहवासात वावराल.
सिंह राशिभविष्य (Leo Horoscope Today)
कामे मनाजोगी पार पडतील. मुलांच्या प्रगतीचे कौतुक कराल. जोडीदाराबरोबर मनमोकळी चर्चा कराल. काही कामे अकारण खोळंबतील. वात-विकाराचा त्रास जाणवेल.
कन्या राशिभविष्य (Virgo Horoscope Today)
परोपकाराचे महत्व समजून घ्याल. धार्मिक कामांत हातभार लावाल. इतरांच्या आनंदात सहभागी व्हाल. सर्वांना सहृदयतेने मदत कराल. नातेवाईकांशी विसंवाद टाळावा.
तूळ राशिभविष्य (Libra Horoscope Today)
कामातून समाधान शोधाल. आरोग्यात सुधारणा होईल. जवळच्या नातेवाईकांची नाराजी दूर करावी. प्रवासात काहीसा त्रास संभवतो. कौटुंबिक प्रश्न जाणून घ्यावेत.
वृश्चिक राशिभविष्य (Scorpio Horoscope Today)
गप्पा मारण्यात अधिक वेळ घालवाल. मित्रा मंडळींचा गोतावळा जमा कराल. उत्तम गृह सौख्य लाभेल. पत्नीचे विचार आग्रही वाटू शकतात. प्रेमप्रकरणात जवळीक वाढेल.
धनू राशिभविष्य (Sagittarius Horoscope Today)
नोकर-चाकरांचे सौख्य मिळेल. भावंडांची मदत घेता येईल. तुमच्या बोलण्याचा चांगला प्रभाव पडेल. बौद्धिक चलाखी दाखवाल. आपल्या काही गोष्टींचे परिक्षण करावे.
मकर राशिभविष्य (Capricorn Horoscope Today)
व्यावहारिक बुद्धिमत्ता वापरावी. काही गोष्टींचा सारासार विचार करावा. फार खोलात जाऊन अर्थ काढू नयेत. हातात नवीन अधिकार येतील. तुमच्यातील आत्मविश्वास वाढेल.
कुंभ राशिभविष्य (Aquarius Horoscope Today)
अभ्यासू वृत्तीने गोष्टी समजून घ्याल. तुमचा अंदाज बरोबर ठरेल. हजरजबाबीपणे उत्तर द्याल. सामुदायिक भानगडीत लक्ष घालू नका. नसत्या वादविवादात अडकू नका.
मीन राशिभविष्य (Pisces Horoscope Today)
मित्रांशी मतभेद संभवतात. दिवसभर कामात व्यग्र राहाल. कानाच्या विकारांवर वेळीच उपाय करावेत. कष्टाला मागे पुढे पाहू नका. फसव्या लोकांपासून दूर राहावे.
ज्योतिषी विद्याधर करंदीकर
