Mercury-Saturn Conjunction After 30 Years: वैदिक ज्योतिषशास्त्रानुसार ग्रह विशिष्ट कालावधीत दुसऱ्या ग्रहांमध्ये प्रवेश करतात; ज्याचा परिणाम मानवी जीवन आणि पृथ्वीवर दिसून येतो. सध्या शनिदेव कुंभ राशीत भ्रमण करीत आहेत आणि फेब्रुवारीच्या सुरुवातीला बुध ग्रह कुंभ राशीत प्रवेश करील. त्यामुळे ३० वर्षांनंतर कुंभ राशीमध्ये शनी आणि बुध यांचा संयोग होईल. या संयोगाचा प्रभाव सर्व राशींच्या लोकांवर दिसून येईल. परंतु, अशा तीन राशी आहेत; ज्यांच्यासाठी हा संयोग खूप फलदायी ठरू शकतो, त्यांना अचानक आर्थिक लाभ मिळू शकतो; तसेच कौटुंबिक जीवनातही चांगले बदल घडू शकतात. चला जाणून घेऊ या भाग्यशाली राशींबद्दल…
कुंभ राशी
शनी आणि बुधाचा संयोग कुंभ राशीसाठी फायदेशीर ठरू शकेल. कारण- हा संयोग तुमच्या राशीच्या चढत्या घरात तयार होत आहे. शनिदेव तुमच्या राशीचा स्वामीदेखील आहे. त्यामुळे या कालावधीत तुम्हाला तुमच्या शिकण्याची आवड निर्माण होईल, सर्जनशील क्षेत्रातही तुम्ही खूप सुधारणा करू शकता. तुमच्या व्यक्तिमत्त्वात सुधारणा होण्याची शक्यता आहे. त्याचबरोबर आर्थिक नियोजनासाठी हा काळ खूप उत्तम काळ करू शकता. तुमचे वैवाहिक जीवन आनंददायी असेल. तसेच यावेळी बुध ग्रहाच्या प्रभावामुळे तुम्हाला काम आणि व्यवसायात फायदा होईल. तसेच रोजचे उत्पन्न वाढण्याची शक्यता आहे.
मिथुन राशी
कर्म देणारा शनी आणि बुध यांची जोडी मिथुन राशीसाठी अनुकूल ठरू शकते. यामुळे तुमचे नशीब चमकू शकते. नियोजनातही यश मिळू शकते. या काळात तु्म्ही करिअरमध्ये प्रगती करू शकता. काही परदेशी डीलच्या मदतीने तुम्हाला फायदा मिळू शकेल. याव्यतिरिक्त तुम्ही काम-व्यवसायाशी संबंधित कारणांसाठी प्रवास करू शकता; जे तुमच्यासाठी चांगले ठरू शकते. यावेळी तुम्ही कोणत्याही धार्मिक किंवा शुभ कार्यक्रमात सहभागी होऊ शकता.
सिंह राशी
सिंह राशीच्या लोकांसाठी बुध आणि शनीचा संयोग अनुकूल ठरू शकतो. जर तुम्ही विवाहित असाल, तर तुम्हाला तुमच्या वैवाहिक जीवनात मोठे यश मिळू शकते. तुम्ही जोडीदाराच्या अगदी जवळ याल. तसेच जे अविवाहित आहेत, त्यांना लग्नाचे प्रस्ताव येऊ शकतात. या कालावधीत तुम्हाला तुमच्या करिअरमध्ये बरेच सकारात्मक परिणाम मिळू शकतात. नोकरीच्या ठिकाणी तुम्हाला अनेक उत्तम संधी मिळू शकतात. त्याचबरोबर शनिदेवाने तुमच्या राशीत षष्ठ महापुरुष राजयोग निर्माण केला आहे, त्यामुळे तुमचे दैनंदिन उत्पन्न वाढून, तुमचा सन्मान आणि प्रतिष्ठादेखील वाढू शकते.
