Shani Vakri In June 2023: वैदिक ज्योतिषशास्त्रानुसार शनी देव हे कलियुगातील न्यायाधिकारी मानले जातात. जानेवारी महिन्यात शनिदेव तब्बल ३० वर्षांनी आपल्या स्वराशीत म्हणजेच कुंभ राशीत गोचर करून स्थिर झाले होते. यानंतर शनीचा अस्त व उदय सुद्धा मार्च महिन्यात झाला होता. आता वैदिक ज्योतिष अभयस्कांच्या माहितीनुसार जून महिन्यात तब्बल ६ महिन्यांनीं शनीदेव वक्री होणार आहेत. १७ जूनला शनिदेव पूर्ण वक्री स्थितीत असणार आहेत तर पुढील १४० दिवस शनी महाराज कुंभ राशीतच वक्री राहणार आहेत. या कालावधीत शनी कृपेने तीन राजयोग तयार होत आहेत. यामध्ये केंद्र त्रिकोण राजयोग, शश महापुरुष राजयोग व धन राजयोग बनल्याने येत्या काळात काही राशींसाठी प्रचंड मोठी लाभाची संधी तयार होण्याची चिन्हे आहेत. या भाग्यवान राशी कोणत्या व त्यांना नेमका कशाप्रकारचा फायदा होण्याची चिन्हे आहेत हे पाहूया …
शश, धन व केंद्र त्रिकोण राजयोगाने ‘या’ राशींना करतील करोडपती?
कुंभ रास (Aquarius Zodiac)
कुंभ ही शनीच्या स्वामित्वाची रास मानली जाते. अशातच शनीदेव स्वतः आता कुंभ राशीत वक्री होणार असल्याने तुम्हाला लाभदायक काळ अनुभवता येऊ शकतो. धन राजयोग आपल्या कुंडलीत धनलाभाचा योग तयार करत आहे तर शश व केंद्र त्रिकोण राजयोगाने आपल्या संबंधांना व आरोग्याला मदत होऊ शकते. या कालावधीत तुमच्या व्यक्तिमत्वाला व विशेषतः स्वभावात बदल घडून येऊ शकतात. तुमच्या चेहऱ्यावर सदैव आनंद राहील अशा प्रकारची एखादी घटना लवकरच घडू शकते. तुम्हाला पार्टनरची साथ लाभू शकते ज्यामुळेतुम्ही एखादी नवी गुंतवणूक किंवा खरेदी करू शकता.
मिथुन रास (Gemini Zodiac)
शश महापुरुष राजयोग हा आपल्या राशीच्या गोचर कुंडलीत चतुर्थ स्थानी तयार होत आहे. यामुळे येत्या काळात आपल्याला वाहन किंवा प्रॉपर्टीमध्ये गुंतवणुकीची संधी मिळू शकते. तुम्हाला जुन्या इन्व्हेस्टमेंट्समधून सुद्धा मोठा धनलाभ होऊ शकतो. धन राजयोग बनल्याने तुमच्या आयुष्याला कलाटणी देणारा एखादा प्रसंग घडण्याची चिन्हे आहेत ज्यातून तुमच्या भाग्यात तिहेरी लाभाची स्थिती तयार होऊ शकते. पुढील दोन महिने तुमचे ग्रहबल अत्यंत मजबूत असल्याने तुम्हाला स्वप्नपूर्तीच्या संधी मिळू शकतात. आईच्या व वडिलांच्या रूपात लक्ष्मीचा आशीर्वाद लाभू शकतो. विनाकारण तुमच्याशी गोड वागणाऱ्यांपासून तसेच विनाकारण वाद घालणाऱ्यांपासून सुद्धा सावध रहा.
हे ही वाचा<< ‘या’ ५ राशी स्वतःची चूक असूनही दुसऱ्यांनाच दोषी ठरवतात? चिडचिड व रागामागे असू शकतो ‘हा’ समज
कर्क रास (Cancer Zodiac Horoscope)
कर्क राशीत शुक्र व गुरु विराजमान असल्याने येत्या काही महिन्यामध्ये तुमच्या राशीला चारही बाजूंनी लाभाची चिन्हे आहेत. कुटुंबासह सुखाचा काळ अनुभवता येऊ शकतो. शनी कृपेने केंद्र त्रिकोण राजयोग आपल्या कुंडलीत तयार होत असल्याने एखाद्या नव्या व्यवसायात गुंतवणुक केल्यास फायदा होऊ शकतो. समाजात मान- सन्मान वाढीस लागू शकतो. तुमचे खर्च वाढतील पण बहुतांश खर्च हा तुमच्या सुख सोयी व गरजांसाठी करावा लागेल त्यामुळे कुठेच वायफळ पैसे गमावल्याची भावना बाळगू नये. यामुळेच तुम्हाला मानसिक सुख व समाधान अनुभवता येऊ शकते.
(टीप: वरील लेख हा प्राप्त माहितीवर आधारित आहे)
