Shani Dev Vakri In Kumbh: वैदिक ज्योतिषशास्त्रानुसार प्रत्येक ग्रह वेळोवेळी राशी परिवर्तन करत असतात, ज्याचा प्रभाव मानवी जीवनावर आणि पृथ्वीवर दिसून येतो. यात शनिदेवाला ज्योतिषशास्त्रात फार महत्त्वाचे स्थान आहे. शनि अत्यंत धीम्या गतीने आपली चाल बदलतो. यात २९ जून रोजी शनिदेव कुंभ राशीत वक्री करणार आहे. म्हणजेच उलटी चाल करणार आहेत. २९ जूनच्या रात्री १२.३५ वाजता शनि स्वतःच्या राशीत म्हणजेच कुंभ राशीत वक्री होतील, १५ नोव्हेंबर २०२४ पर्यंत कुंभ राशीत वक्री राहतील. शनिच्या या उलट्या चालीमुळे काही राशींवर विशेष कृपा असणार आहे. म्हणजेच या राशींना नोकरी आणि व्यवसायात बढती मिळू शकते. चला तर या भाग्यशाली राशी कोणत्या आहेत जाणून घेऊ
मकर
शनिदेवाची वक्री चाल मकर राशीच्या लोकांसाठी फायदेशीर ठरू शकते. यामुळे तुम्हाला अनपेक्षित आर्थिक लाभ होऊ शकतो. तुमच्या संपत्तीत वाढ होईल आणि नोकरीत बढती मिळण्याची शक्यता आहे. तसेच त्याचा परिणाम तुमच्या बोलण्यात दिसून येईल. तिथे तुमचे व्यक्तिमत्व सुधारू शकते. तसेच या काळात तुम्ही नोकरी किंवा व्यवसायासाठी प्रवास करू शकता. तसेच या काळात व्यावसायिकांचे अडकलेले पैसे मिळण्याची शक्यता आहे. राजकारणात सक्रिय असलेल्यांना यश मिळू शकते.
मेष
मेष राशीच्या लोकांसाठी शनिदेवाची उलटी चाल शुभ ठरू शकते. या काळात तुमच्या उत्पन्नात प्रचंड वाढ होऊ शकते. तसेच उत्पन्नाचे नवीन स्रोत निर्माण होऊ शकतात. तिथे गुंतवणुकीत तुम्हाला नफा मिळू शकतो. कामाच्या ठिकाणी तुम्हाला मानसन्मान मिळू शकतो. तुमच्या वैवाहिक जीवनात आनंदाचे दिवस येऊ शकतात. तुम्हाला शुभ गोष्टी कानावर पडतील. तसेच, नोकरदार लोकांना यावेळी वेतनवाढ आणि पदोन्नती मिळू शकते. त्याचवेळी व्यावसायिकांना चांगला नफा होऊ शकतो. नवीन करार होऊ शकतो.
मिथुन
शनिदेवाची वक्री चाल मिथुन राशीच्या लोकांसाठी अनुकूल ठरू शकते. या काळात नशीब तुम्हाला साथ देईल. तसेच जी कामे प्रलंबित होती ती पूर्ण होऊ शकतात. तुमच्या वैवाहिक जीवनात आनंदात वाढ होईल. तुम्हाला शुभ परिणाम पाहायला मिळतील. तसेच यावेळी तुम्ही काही शुभ आणि धार्मिक कार्यक्रमात सहभागी होऊ शकता. दुसरीकडे, जर तुम्ही विद्यार्थी असाल तर तुम्हाला कोणत्याही स्पर्धात्मक परीक्षेत यश मिळू शकते.
