6th June Panchang & Rashi Bhavishya: ६ जून २०२४ ला वैशाख कृष्ण पक्षातील अमावस्या तिथी आहे. गुरुवारच्या दिवशी संध्याकाळी ६ वाजून ७ मिनिटांपर्यंत अमावस्या कायम असेल. आजच्या दिवशी रोहिणी नक्षत्र जागृत असणार असून रात्री १० वाजून ९ मिनिटांपर्यंत धृती योग असणार आहे. आजच्या दिवशी सूर्य व चंद्र दोन्ही वृषभ राशीत असणार आहे. आज सकाळी ११ वाजून ५२ मिनिटांपासून ते १२ वाजून ४८ मिनिटांपर्यंत अभिजात मुहूर्त असणार आहे. दुपारी २ वाजून ४ मिनिटांपासून ते ३ वाजून ४९ मिनिटांपर्यंत राहू काळ असणार आहे. आजचे दिनविशेष पाहिल्यास आज शनी जयंती व छत्रपती शिवाजी महाराजांचा राज्यभिषेक दिनाचा सोहळा सुद्धा आहे. आजच्या दिवशीचे ग्रहमान कोणत्या राशीच्या फायद्याचे ठरतेय हे पाहूया.
शनी जयंती विशेष: ६ जून पंचांग व राशी भविष्य
मेष:-कुटुंबाच्या बाबतीत सौख्य जाणवेल. मुलांकडून चांगली बातमी मिळेल. मित्रांच्या गराड्यात राहण्याची इच्छा होईल. वरिष्ठांकडून सहकार्‍याची फार अपेक्षा ठेऊ नये. आपला ठसा उमटवण्याची संधी मिळेल.
वृषभ:-व्यवहारी दृष्टीकोनातून विचार कराल. कौटुंबिक गैरसमज टाळावेत. मानसिक चांचल्य जाणवेल. व्यवसायातून चांगली कमाई होईल. वसुलीत आनिश्चितता जाणवेल.
मिथुन:-बौद्धिक कामात सावध राहावे. मोहाला बळी पडू नका. निर्णयात इतरांवर विसंबून राहू नका. व्यावसायिक आघाडीवर सतर्क रहा. वरिष्ठांच्या सहकार्यावर अवलंबून राहू नका.
कर्क:-कार्यकालीन स्थितीवर लक्ष द्यावे. भावनाविवश होऊन विचार करू नका. मोठ्या वस्तूंची खरेदी कराल. थोडे अधिक श्रम घ्यावे लागू शकतात. दिवस कामात व्यतीत होईल.
सिंह:-घेतलेल्या कष्टाचे चीज होईल. अधिकार्‍यांना नाराज करू नका. जोडीदाराचा राग समजून घ्यावा लागेल. भागीदाराशी मतभेदाची शक्यता. कामाशिवाय इतर गोष्टी टाळाव्यात.
कन्या:-दृष्टीकोन बदलून पहावा लागेल. हातातील संधी जाऊ देऊ नका. अपचनाचा त्रास जाणवेल. माहितीच्या आधाराने कामात यश येईल. संपर्कात वाढ होऊ शकेल.
तूळ:-जोडीदाराची उत्तम साथ मिळेल. प्रेम प्रसंगात सावधानता बाळगा. आपल्यातील स्वाभाविक दोष टाळता आले तर पहावे. वरिष्ठांच्या सूचनेचे तंतोतंत पालन करावे. अचानक धनलाभाची शक्यता.
वृश्चिक:-व्यावसायिक कामातून मानसिक शांतता लाभेल. व्यक्तिगत छंद जोपासावेत. क्रोधाची भावना उचंबळू देऊ नका. क्षुल्लक चुका टाळण्याचा प्रयत्न करावा. अतिरिक्त खर्च टाळावा.
धनू:-आवक मर्यादित राहील. आर्थिक देवाणघेवाण करतांना सावध रहा. कौटुंबिक वातावरण खेळीमेळीचे राहील. अधिकाराचा योग्य ठिकाणी वापर करावा.
मकर:-कामाचा जोम अधिक वाढेल. कुटुंबात तुमचा दरारा राहील. विचारांच्या गतीला आवर घालावी लागेल. सढळ हस्ते खर्च केला जाईल. परिस्थितीचा योग्य अंदाज बांधावा.
कुंभ:-भावंडांकडून चांगली बातमी मिळेल. प्रतिस्पर्ध्यांवर मात करता येईल. व्यवसायात नवीन योजना आखाव्यात. कुटुंबियांशी वाद घालू नका. बोलण्यावर संयम ठेवावा लागेल.
हे ही वाचा<< नितीन गडकरींचा विजय पालटणार सत्तेचा खेळ? ज्योतिषतज्ज्ञ म्हणतायत, “२०२४ पर्यंत काळजी, तर २०२६ ला मोठा..”
मीन:-अचानक नवीन खर्च समोर येऊ शकतात. जोडीदाराच्या तब्येतीकडे विशेष लक्ष द्यावे. कौटुंबिक कामासाठी अधिक वेळ द्याल. सामाजिक गोष्टींचे भान राखून वागाल. आध्यात्मिक कामातून मनाला शांतता लाभेल.
– ज्योतिषी विद्याधर करंदीकर
