Shani Meen Gochar 2025: शनीच्या मीन राशीतील प्रवेशाने काही राशीच्या व्यक्तींना चांगले परिणाम पाहायला मिळतील. ज्योतिषशास्त्रामध्ये शनीला कर्म फळदाता आणि न्यायाचा कारक ग्रह म्हणून ओळखले जाते. शनी नवग्रहातील ग्रहांमध्ये सर्वात मंद गतीने चालणारा ग्रह आहे. एका राशीतून दुसऱ्या राशीमध्ये प्रवेश करण्यासाठी शनीला जवळपास अडीच वर्षाचा कालावधी लागतो. शनीने जानेवारी २०२३ मध्ये कुंभ राशीमध्ये प्रवेश केला होता. सध्या शनी याच राशीत असून तो २९ मार्च २०२५ रोजी शनी कुंभ राशीतून मीन राशीमध्ये प्रवेश करणार आहे. तसेच, शनी या राशीमध्ये ३ जून २०२७ रोजी पर्यंत राहील. शनीच्या मीन राशीतील प्रवेशाने काही राशीच्या व्यक्तींना चांगले परिणाम पाहायला मिळतील.
शनीचे राशी परिवर्तन तीन राशींसाठी खास
सिंह
सिंह राशीच्या व्यक्तींसाठी शनीचे मीन राशीतील राशी परिवर्तन खूप शुभ परिणाम देणारे ठरेल. या काळात अनेकदा कामामुळे दूरचे प्रवास करावे लागतील. नवी संधी मिळेल, नव्या कामाची संधी मिळेल. आर्थिक परिस्थिती उत्तम राहील. कर्ज फेडण्यास मदत होईल. अडकलेले पैसे परत मिळतील. विद्यार्थ्यांसाठीही हा उत्तम काळ आहे. या काळात करिअरमध्ये यश मिळेल; तसेच पदोन्नतीही मिळेल. उत्पन्नाचे नवे स्त्रोत मिळतील.
कन्या
शनीचे मीन राशीतील राशी परिवर्तन कन्या राशीच्या व्यक्तींसाठी खूप अनुकूल सिद्ध होईल. या काळात तुमचे मन प्रसन्न राहील. धार्मिक कार्यात मन रमेल. आयुष्यात खूप चांगले बदल पाहायला मिळतील. कामाच्या ठिकाणी कामाचे खूप कौतुक होईल. मान-सन्मान वाढेल. या काळात भाग्याची साथ मिळेल. कुटुंबातील व्यक्तींसोबत फिरायला जाल, आर्थिक धनलाभ होण्याची दाट शक्यता आहे. आयुष्यात येणाऱ्या अडचणींवर सहज मात कराल.
हेही वाचा: आता नुसती चांदी! मंगळ-गुरूच्या प्रभावाने ‘या’ तीन राशीच्या व्यक्तींना मिळणार भाग्याची साथ
वृश्चिक
वृश्चिक राशीच्या व्यक्तींना शनीच्या मीन राशीतील राशी परिवर्तनामुळे अनेक चांगले बदल पाहायला मिळतील. या काळात तुम्हाला अचानक धनलाभ होईल आणि अडकलेले पैसे परत मिळतील. नोकरीत पदोन्नती होऊ शकते. समाजात मान-सन्मान वाढेल. या काळात तुम्ही नेहमी सकारात्मक राहाल. स्पर्धा परीक्षेत उत्तम यश मिळेल. वैवाहिक जीवन सुखमय राहील. जोडीदाराला वेळ द्याल. मानसिक तणावातून मुक्त रहाल. आयुष्यात आनंदी आनंद असेल.
(टीप : वरील लेख प्राप्त माहितीवर आधारित आहे.)
