Shani nakshtra gochar 2024 : शनिला कर्म दाता मानले जाते. शनि हा एकमेव असा ग्रह आहे जो माणसाला त्याच्या कर्मानुसार फळ देतो. ज्योतिषशास्त्रानुसार व्यक्तीला आयुष्यात एकदा तरी साडे सातीचा सामना करावा लागतो. शनि अत्यंत हळूवार चालणारा ग्रह आहे. शनि एका राशीत जवळपास अडीच वर्ष विराजमान राहतात. अशात एक राशिचक्र पूर्ण करण्यासाठी शनिला जवळपास ३० वर्षांचा कालावधी लागतो. राशीनुसार शनि एका ठराविक वेळेनंतर नक्षत्र परिवर्तन करतो ज्याचा थेट परिणाम राशी चक्रातील इतर राशींवर पडतो.
येत्या ऑक्टोबर महिन्यात शनि नक्षत्र परिवर्तन करणार आहे. शनि राहुच्या नक्षत्र शतभिषा नक्षत्रात प्रवेश करणार आहे. राहु ग्रहाच्या नक्षत्रात शनि प्रवेश करत असल्यामुळे काही राशींना याचा चांगला फायदा मिळू शकतो. जाणून घेऊ या त्या राशी कोणत्या?
शनि ३ ऑक्टोबर रोजी दुपारी १२ वाजून ३० मिनिटांनी शतभिषा नक्षत्रात प्रवेश करणार आहे आणि २७ डिसेंबर पर्यंत याच नक्षत्रात विराजमान राहीन. या नंतर शनि पुन्हा पूर्वा भाद्रपद नक्षत्रामध्ये प्रवेश करणार. शतभिषा नक्षत्र २७ नक्षत्रामध्ये २४ वा नक्षत्र आहे. या नक्षत्राचा स्वामी ग्रह राहु आणि कुंभ राशी आहे. शनि या वेळी कुंभ राशीमध्ये विराजमान आहे.
मेष राशी (Mesh Zodiac)
मेष राशीच्या लोकांना शनि नक्षत्र परिवर्तन लाभदायक ठरू शकते. या लोकांचे ठरलेले काम पूर्ण होतील. तसेच धन धान्यामध्ये वाढ होईल. या राशीमध्ये शनि अकराव्या स्थानावर विराजमान आहे. यामुळे या लोकांना नोकरी व्यवसायात अधिक यश मिळू शकते तसेच आर्थिक स्थिती सुधारू शकते. हे लोक कर्जमुक्त होतील तसेच भविष्यासाठी धन प्राप्त करू शकतील. प्रत्येकाला या लोकांचे काम आवडू शकते. या लोकांची व्यवसायात चांगली प्रगती दिसून येईल. शनि देवाच्या कृपेने या लोकांना नवीन प्रोजेक्ट, ऑर्डर मिळू शकतात. या दरम्यान या लोकांचे आरोग्य उत्तम राहीन.
धनु राशी (Dhanu Zodiac)
या राशीच्या लोकांसाठी शनिचे नक्षत्र परिवर्तन फायद्याचे ठरू शकते. अडकलेली कामे मार्गी लागतील ज्यामुळे यांना पैसा मिळू शकतो. करिअरच्या क्षेत्रात या लोकांना भरपूर लाभ मिळेल. नवीन नोकरी शोधणाऱ्या लोकांना यश मिळू शकते. या लोकांना जीवनात सुख समृद्धी लाभेल. शनिच्या कृपेमुळे यांचे आरोग्य उत्तम राहीन.या लोकांचा मानसिक तणाव कमी होईल. यांना व्यवसायात नफा मिळू शकतो. पार्टनरशिपमध्ये व्यवसाय करणाऱ्या लोकांना मोठा धनलाभ होऊ शकतो. अडकलेली सरकारी कामे पुन्हा सुरू होऊ शकतात.
हेही वाचा :
सिंह राशी (Leo Zodiac)
सिंह राशीच्या लोकांसाठी शनिचे नक्षत्र परिवर्तन अत्यंत शुभ ठरू शकते. या राशीच्या लोकांना अनेक प्रकारे आनंद मिळू शकतो. या लोकांच्या वैवाहिक जीवनात सुख समृद्धी नांदेल. हे लोक त्यांच्या जोडीदाराबरोबर चांगला वेळ घालवू शकतील. त्यांना शिक्षणाच्या क्षेत्रात भरपूर यश मिळू शकते. धाडस आणि आत्मविश्वास वाढताना दिसून येईल. यामुळे हे लोक प्रत्येक क्षेत्रात यश मिळू शकतात.
(टीप: वरील लेख प्राप्त माहितीवर आधारीत आहे)
