Shukra Nakshatra Parivartan 2024: वैदिक ज्योतिषशास्त्रानुसार, एका ठराविक कालावधीनंतर प्रत्येक ग्रह त्याच्या स्थितीमध्ये बदल करतो. शुक्र ग्रह (Shukra Grah) हा संपत्ती, समृद्धी, भौतिक सुख, आनंद, प्रेम यांचा कारक मानला जातो. कुंडलीत शुक्र ग्रहाच्या बदलामुळे व्यक्तीला यश मिळते. धनाचा दाता शुक्र काही काळानंतर राशी परिवर्तन करतो. ज्योतिष शास्त्रानुसार, आता शुक्रदेव २९ जानेवारीला संध्याकाळी ५ वाजून ०६ मिनिटांनी पूर्वाषादा नक्षत्रात प्रवेश करणार आहेत. या नक्षत्राचा स्वामी शुक्र आहे. शुक्रदेव स्वतःच्या नक्षत्रात प्रवेश करत असल्यामुळे काही राशींना मोठा फायदा मिळण्याची शक्यता आहे. त्या राशींच्या मंडळींना मोठा धनलाभ होऊ शकतो. जाणून घेऊयात शुक्र नक्षत्र परिवर्तन करताच कोणत्या राशींना फायदा मिळू शकतो.
‘या राशींसाठी अच्छे दिन!
मेष राशी
मेष राशीच्या मंडळींना शुक्राच्या नक्षत्र परिवर्तनामुळे मोठा फायदा होऊ शकतो. या काळात उत्पन्नाचे नवे स्रोत मिळू शकतात यामुळे धनलाभ होण्याची शक्यता आहे. या काळात या लोकांना खूप चांगल्या बातम्या ऐकायला मिळू शकतात. उत्पन्नात वाढ होण्याची शक्यता आहे. वाहन खरेदी करण्याचा विचार करत असाल तर ते पूर्ण होऊ शकते. व्यापारी आणि नोकरदारांना खूप फायदा होऊ शकतो. वैवाहिक जीवन आनंदी राहण्याची शक्यता आहे. समाजात मान सन्मान वाढू शकतो.
(हे ही वाचा : ३० वर्षांनी शनि महाराजांची मित्र ग्रहाबरोबर युती; मार्चपासून ‘या’ राशी होतील लखपती? धनलाभाने बँक बॅलन्स वाढण्याची शक्यता)
मिथुन राशी
शुक्रदेवाचे नक्षत्र परिवर्तन मिथुन राशीच्या लोकांसाठी लाभदायी ठरु शकते. या काळात घर किंवा वाहन खरेदीचे योग आहेत. वडिलोपार्जित संपत्तीतून लाभ मिळू शकतो. भौतिक सुख-सुविधांमध्ये वाढ होण्याची शक्यता आहे. पैसा आणि आर्थिक बाबतीत सुधारणा होण्याची शक्यता आहे. तुम्हाला अनपेक्षित पैसे मिळू शकतात. विद्यार्थ्यांसाठी हा काळ फलदायी ठरु शकते. या काळात कौटुंबिक सदस्यांसोबत तुमचे संबंध पूर्वीपेक्षा अधिक घट्ट आणि मजबूत होण्याची शक्यता आहे.
धनु राशी
शुक्राचं नक्षत्र परिवर्तन धनु राशीच्या लोकांसाठी वरदानच ठरु शकते. या राशीच्या व्यावसायिकांसाठी हा काळ अतिशय भाग्यशाली ठरु शकते. तुम्हाला मोठी डील मिळण्याची दाट शक्यता आहे. त्यातून तुम्हाला आर्थिक फायदा होण्याची शक्यता आहे. नोकरीत पदोन्नती आणि वाढ होण्याची शक्यता आहे. या लोकांचे वैवाहिक जीवन चांगले राहण्याची शक्यता आहे. अविवाहितांना विवाहाचे प्रस्ताव येऊ शकतात. रखडलेली कामे पूर्ण होऊ शकतात. या काळात नवीन घर-कार खरेदी करु शकता.
(टीप: वरील लेख हा प्राप्त माहितीवर आधारित आहे)
