6 February 2025 Rashi Bhavishya In Marathi : ६ फेब्रुवारी २०२५ रोजी माघ महिन्याच्या शुक्ल पक्षाची नवमी तिथी आहे. नवमी तिथी रात्री १० वाजून ५४ मिनिटांपर्यंत राहील. ब्रह्म योग संध्याकाळी ६ वाजून ४२ मिनिटांपर्यंत जुळून ये. कृतिका नक्षत्र आज संध्याकाळी साडेसात वाजेपर्यंत जागृत असेल. राहू काळ १ वाजता सुरु होईल ते ३ वाजेपर्यंत असणार आहे. याशिवाय आज सकाळी ७ वाजून ४९ मिनिटांनी सूर्य धनिष्ठा नक्षत्रात प्रवेश करेल. तर या दिवशी ग्रहमान व पंचांगानुसार तुमच्या राशीचे भाग्य कसे उजळणार हे आपण जाणून घेऊया…
६ फेब्रुवारी पंचांग व राशिभविष्य:
मेष:- जवळचा प्रवास गरजेचा असेल तरच करावा. नवीन मित्र जोडले जातील. काही क्षणिक आनंदाच्या गोष्टी घडतील. ओळखीतून कामे पार पडतील. दिवस आळसात जाईल.
वृषभ:- ऐषारामाच्या वस्तु खरेदी कराल. मानसिक समाधान शोधाल. व्यापार्‍यांना चांगला लाभ होईल. कामात स्त्रियांची उत्तम साथ लाभेल. मित्रमंडळी जमवाल.
मिथुन:- जोडीदाराशी मतभेद संभवतात. क्षुल्लक गोष्टी नजरेआड कराव्यात. घरातील स्वच्छतेकडे विशेष लक्ष द्याल. कलेला विशेष प्राविण्य मिळेल. कामाची चोख पावती मिळेल.
कर्क:- दिवस चांगल्या संगतीत जाईल. वडीलधार्‍यांची उत्तम मदत मिळेल. तुमच्या कामाची प्रशंसा केली जाईल. मुलांचे विचार विरोधी वाटू शकतात. नातेवाईकांच्या समस्या जाणून घ्याल.
सिंह:- खेळात मन रमून जाईल. मुलांच्या धडपडीकडे लक्ष ठेवावे. विरोधकांच्या कारवाया मावळतील. कामाचे समाधान लाभेल.
कन्या:- पत्नीची उत्तम साथ लाभेल. भागीदारीत चांगला लाभ होईल. तुमच्या संपर्कातील लोकात वाढ होईल. मुलांशी क्षुल्लक कारणावरून वाद संभवतो. पत्नीचे लाडिक हट्ट पुरवाल.
तूळ:- भावंडांशी मतभेद संभवतात. हातात नवीन अधिकार येतील. कामातील ऊर्जा वाढेल. घरात नातेवाईक गोळा होतील. मानसिक स्वास्थ जपावे लागेल.
वृश्चिक:- काही किरकोळ कौटुंबिक प्रश्न सोडवावे लागतील. व्यावसायिक लाभावर लक्ष केन्द्रित करा. कामात क्षुल्लक अडचणी येऊ शकतात. अनावश्यक खर्च टाळण्याचा प्रयत्न करावा. आप्तेष्टांशी मतभेद संभवतात.
धनू:- दिवस धावपळीचा राहील. स्वभावात काहीसा हट्टीपणा येईल. क्षुल्लक गोष्टीवरून वाद संभवतात. कौटुंबिक कामात अधिक वेळ जाईल. वरिष्ठ तुमच्यावर खुश होतील.
मकर:- मनातील निराशा दूर सारावी. कुटुंबात काही बदल घडून येतील. जोडीदाराची बाजू समजून घ्यावी. आर्थिक ताण वाढू शकतो. फसवणुकीपासून सावध राहावे.
कुंभ:- कामातील दिरंगाई टाळण्याचा प्रयत्न करावा. कामाचा ताण जाणवेल. कौटुंबिक प्रगतीकडे लक्ष द्यावे. आवडते पदार्थ खायला मिळतील. इतरांवर आपली उत्तम छाप पडाल.
मीन:- हौस पूर्ण कराल. प्रत्येक गोष्टीत आनंदाने रस घ्याल. सर्वांशी गोडीने वागाल. कल्पनाशक्तीला चांगला वाव मिळेल. तुमच्या व्यक्तिमत्वाचा प्रभाव पडेल.
ज्योतिषी विद्याधर करंदीकर
