Sun Transit 2024 : वैदिक ज्योतिषशास्त्रानुसार ग्रहांचा राशीबदल काही राशींसाठी शुभ तर काहींसाठी अशुभ ठरत असतो. यात ग्रहांचा राजा सूर्यदेव मेष राशीत आहे, जो दोन दिवसांनी राशी बदल करणार आहे. १४ मे रोजी सूर्य मेष राशीतून वृषभ राशीत प्रवेश करेल, सूर्य १४ मे रोजी सायंकाळी ६:०५ वाजता सूर्य वृषभ राशीत (प्रवेश करेल आणि पुढील ३० दिवस या राशीत राहील. यानंतर १५ जून रोजी दुपारी १२.३७ वाजता मिथुन राशीत प्रवेश करेल. सूर्याचे हे राशी परिवर्तन काही राशींच्या लोकांच्या नशिबाला कलाटणी देणारे असू शकते, ज्यामुळे त्यांचे भाग्य उजळू शकते. काही लोकांच्या वैयक्तिक जीवनावर त्याचा प्रभाव पडेल. सूर्यदेव १४ जूनपर्यंत शुक्राच्या राशीत राहील; अशा परिस्थितीत सूर्याच्या संक्रमणाने काही राशींसाठी चांगला काळ सुरू होईल. चला तर मग सूर्याचे हे राशी संक्रमण कोणत्या राशींच्या लोकांसाठी फायदेशीर ठरु शकते जाणून घेऊ…
मेष
सूर्याचे वृषभ राशीतील संक्रमण मेष राशीच्या लोकांसाठी फलदायी ठरू शकते. या काळात त्यांचा आत्मविश्वास वाढू शकतो. त्यांचे संपूर्ण लक्ष त्यांंना कामावर केंद्रित करता येईल, ज्यामुळे त्यांच्या कामाची प्रशंसा होईल. तुम्ही हातात घेतलेले काम पूर्ण करण्यासाठी जीव तोडून मेहनत घ्याल, तुमची आर्थिक स्थिती मजबूत होण्याची शक्यता आहे. कोर्ट केसेसमध्ये यश मिळण्याची शक्यता आहे. या काळात तुम्हाला तुमच्या जोडीदाराबरोबर वेळ घालवता येईल, यामुळे तुमचे प्रेमाचे नाते किंवा वैवाहिक जीवन सुखात व आनंदी असू शकते.
सिंह
सूर्याचा राशी बदल सिंह राशीच्या लोकांसाठी फायदेशीर ठरू शकतो. या काळात कामाच्या ठिकाणी असलेल्या अडचणी दूर होत तुमचा मान सन्मान वाढेल. सहकार्यांकडूनही तुम्हाला सहकार्य लाभू शकते. प्रत्येक गोष्टीत तुम्हाला तुमचे वडील आणि गुरु यांचे पूर्ण सहकार्य मिळू शकेल. धार्मिक कार्यांमधील तुमचा रस वाढू शकतो. यासह कुटुंबात सुख-शांती नांदेल, आरोग्याची काळजी घ्यावी लागेल.
कुंभ
कुंभ राशीच्या लोकांसाठी सूर्याचे राशी संक्रमण शुभ ठरू शकते. या काळात तुमचे आरोग्य सुधारू शकते. व्यवसायात येणाऱ्या अडचणी हळूहळू कमी होऊ लागतील. तुमच्या प्रतिभेच्या जोरावर तुम्ही सर्व अडचणींवर सहज मात कराल, यामुळे समाजाचा तुमच्याकडे बघण्याचा दृष्टिकोन बदलेल. विद्यार्थ्यांसाठी हा काळ चांगला मानला जातो. तुम्हाला काही चांगली बातमीदेखील मिळू शकते. व्यावसायिकांसाठी हा काळ खूप चांगला मानला जातो.
