ज्योतिषशास्त्रानुसार प्रत्येक ग्रह एका विशिष्ट कालावधीनंतर एका राशीतून दुसऱ्या राशीत भ्रमण करतो. राहु-केतु ग्रह सोडून बाकी सर्व ग्रह मेष राशीकडून मीन राशीकडे भ्रमण करतात. गोचर कालावधी काहींसाठी शुभ, तर काहींसाठी अशुभ ठरतो. ग्रहांचा राजा सूर्य १४ एप्रिल रोजी मेष राशीत प्रवेश करणार आहे. ज्योतिष शास्त्रात सूर्याचा संबंध पिता, प्रशासकीय पद आणि समाजातील प्रतिष्ठा याच्याशी निगडीत आहे. त्यामुळे सूर्य ग्रहाच्या राशीतील बदलाचा परिणाम सर्व राशींवर होणार आहे. पण तीन राशी आहेत, त्यांना विशेष फायदे होऊ शकतो. चला जाणून घेऊयात कोणत्या आहेत या तीन राशी…
मिथुन: तुमच्या संक्रमण कुंडलीतून सूर्य अकराव्या स्थानात प्रवेश करेल. हे स्थान उत्पन्न आणि लाभाचे स्थान म्हणून ओळखले जाते. त्यामुळे या काळात तुमचे उत्पन्न चांगले वाढू शकते. तसेच उत्पन्नाचे नवीन स्त्रोत निर्माण होऊ शकतात. व्यवसायात अचानक आर्थिक लाभ होण्याचीही शक्यता आहे. प्रॉपर्टीमध्‍ये गुंतवणूक करण्‍यासाठी हा काळ चांगला आहे. जे प्रॉपर्टी डीलिंग आणि रिअल इस्टेटशी संबंधित व्यवसाय करतात. त्यांच्यासाठी हा काळ खूप छान असेल. यावेळी नवीन व्यावसायिक संबंध तयार होतील, जे भविष्यात तुमच्यासाठी फायदेशीर ठरू शकतात. तसेच मिथुन राशीचा स्वामी बुध हा व्यवसाय देणारा असून ज्योतिष शास्त्रानुसार बुध आणि सूर्य देव यांचे मित्राचे घर आहे. त्यामुळे सूर्यदेवाचे हे संक्रमण तुमच्यासाठी शुभ ठरू शकते.
कर्क: या राशीच्या लोकांसाठी १४ एप्रिलपासून चांगले दिवस सुरू होऊ शकतात. कारण सूर्य तुमच्या संक्रमण कुंडलीत दशम स्थानात प्रवेश करेल. या स्थानाला कर्म आणि नोकरीचे स्थान म्हणतात. यावेळी तुम्हाला नवीन नोकरीची ऑफर मिळू शकते. तसेच, जर तुम्ही नोकरी करत असाल तर तुम्हाला पदोन्नती आणि वेतनवाढ मिळू शकते. या काळात तुमची कार्यशैली सुधारू शकते, ज्यामुळे तुमच्या ऑफिसमध्ये तुमची प्रशंसा होऊ शकते. म्हनोकरीच्या ठिकाणी वरिष्ठांचे सहकार्य मिळू शकते. दुसरीकडे, जर तुम्ही व्यवसाय करत असाल तर या काळात चांगला नफा होऊ शकतो. यासोबतच वाहन आणि मालमत्तेचे सुखही मिळू शकते. कर्क राशीचा स्वामी चंद्र आहे आणि ज्योतिष शास्त्रानुसार चंद्र आणि सूर्य यांच्यात मैत्रीची भावना आहे. म्हणून, आपण यावेळी चांगले पैसे कमवू शकता.
३० महिन्यांनंतर शनि ग्रह करणार गोचर, ‘या’ दोन राशी येणार अडीचकीच्या प्रभावाखाली
मीन: सूर्यदेवाचे संक्रमण तुमच्यासाठी फायदेशीर ठरू शकते. कारण तुमच्या दुसऱ्या स्थानात सूर्याचे संक्रमण होईल. या स्थानाला धन आणि वाणीचे घर म्हणतात. त्यामुळे यावेळी तुम्हाला अचानक आर्थिक लाभ होण्याची शक्यता आहे. तसेच, यावेळी तुम्ही व्यवसायात नवीन गुंतवणूक करू शकता. याचा तुम्हाला फायदा होऊ शकतो. तसेच, जर तुमचा व्यवसाय परदेशाशी संबंधित असेल तर तुम्हाला चांगला नफा मिळू शकतो. यासोबतच तुमची आर्थिक स्थितीही या काळात मजबूत असेल. यावेळी तुम्हाला नवीन नोकरीची ऑफर मिळू शकते आणि नोकरीत बदल होण्याची शक्यता आहे. दुसरीकडे, ज्या लोकांचा व्यवसाय धान्य, खाद्यपदार्थ यांच्याशी संबंधित आहे, त्यांना विशेष लाभ मिळू शकतो.
