Saturn And Surya Conjunction 2023: वैदिक ज्योतिषशास्त्रानुसार, ग्रह वेळोवेळी राशी बदलून एकमेकांसोबत युती करतात. ज्याचा परिणाम मानवी जीवनावर दिसून येतो. ही युती काहींसाठी शुभ असते तर काहींसाठी अशुभ ठरते. शनिदेव मकर राशीत प्रवेश करत आहेत आणि सूर्य देवाने १४ जानेवारीच्या रात्री मकर राशीत प्रवेश केला आहे. त्यामुळे या दोन ग्रहांची युती मकर राशीत तयार होत आहे. ज्याचा प्रभाव सर्व राशीच्या लोकांवर दिसून येईल. पण अशा तीन राशी आहेत, ज्यांना या युतीमुळे चांगला फायदा होण्याची शक्यता दिसत आहेआहे. चला जाणून घेऊया कोणत्या आहेत या राशी..
मेष राशी
सूर्य आणि शनिदेव यांची युती मेष राशीच्या लोकांसाठी शुभ ठरू शकते. कारण ही युती तुमच्या राशीतून दहाव्या स्थानात होणार आहे. त्यामुळे यावेळी तुम्हाला नवीन नोकरीची ऑफर मिळू शकते. तसेच नोकरदार लोकांना यावेळी कामाच्या ठिकाणी नवीन जबाबदाऱ्या मिळू शकतात. तसेच व्यवसाय करणाऱ्या लोकांना यावेळी चांगला नफा मिळू शकतो. त्याच वेळी, या याकाळात तुम्हाला तुमचे अडकलेले पैसे पुन्हा मिळतील. तसंच व्यवसायात नवीन करार होऊ शकतो.
वृषभ राशी
सूर्य आणि शनिदेव यांची युती तुमच्यासाठी शुभ ठरू शकते. कारण ही युती तुमच्या संक्रमण कुंडलीतून नवव्या घरात तयार होत आहे. म्हणूनच यावेळी तुमचे भाग्य चमकणार आहे. यासोबतच या काळात तुम्ही लांबचा प्रवासही करू शकता. यावेळी तुम्ही कोणतेही काम कठोर परिश्रम आणि मेहनतीने कराल, त्यात तुम्हाला यश मिळेल. याकाळात तुमचे वडिलांसोबतचे नाते देखील सुधारेल.
( हे ही वाचा: ४८ तासांनी ‘या’ राशींचे नशिब पालटणार? बुधदेव वर्षभर देणार प्रचंड धनलाभाची संधी)
धनु राशी
धनु राशीच्या लोकांसाठी सूर्य आणि शनिची युती लाभदायक ठरू शकते. याकाळात तुम्हाला अचानक धनलाभ होऊ शकतो. यासोबतच वडिलोपार्जित संपत्तीबाबत सुरू असलेला वाद मिटू शकतो. त्याचबरोबर व्यवसाय करणाऱ्यांना विशेष लाभ मिळण्याची शक्यता दिसत आहे. तसंच याकाळात तुमची आर्थिक स्तिथीही सुधारेल. यासोबतच १७ जानेवारीला जेव्हा शनिदेवाचे संक्रमण होईल, तेव्हा तुम्हाला साडेपासून मुक्ती मिळेल.
