19th September Rashi Bhavishya & Panchang : आज १९ सप्टेंबर २०२४ रोजी भाद्रपद महिन्याच्या कृष्ण पक्षातील द्वितीया तिथी आहे. द्वितीया तिथी १२ वाजून ४० मिनिटांपर्यंत असणार आहे. तसेच गुरुवारी संध्याकाळी ७ वाजून १९ मिनिटांपर्यंत वृद्धी योग जुळून येईल. तसेच आज उत्तरा भाद्रपद नक्षत्र सकाळी ८ वाजून ०४ मिनिटांपर्यंत जागृत असणार आहे, त्यानंतर रेवती नक्षत्र दिसेल. आज राहू काळ १ वाजून ३० मिनिटांनी सुरु होईल ते ३ वाजपर्यंत असेल. कृष्ण पक्षाच्या द्वितीय तिथीला श्राद्ध केलं जातं असं म्हणतात. तर आजचा दिवस १२ राशींसाठी कसा असणार आहे हे आपण जाणून घेऊ या…
१९ सप्टेंबर पंचांग व राशीभविष्य :
मेष:- मनाची चंचलता जाणवेल. अती विचार करू नका. केवळ आपल्या कामावर लक्ष केन्द्रित करा. कार्यक्षेत्रात मान मिळवाल. मुलांच्या प्रगतीने आनंद होईल.
वृषभ:- कामे मनाप्रमाणे मार्गी लावाल. जमिनीचे व्यवहार कराल. मनातील इच्छा पूर्ण होईल. प्रेम संबंधात गैरसमज टाळा. अधिकारी वर्ग सकारात्मक बातमी देतील.
मिथुन:- इतरांच्या मदतीला धावून जाल. कौटुंबिक गोष्टींकडे प्राधान्याने लक्ष द्याल. नवीन कामे हाती येतील. कौटुंबिक सदस्यांशी मतभेद संभवतात. बौद्धिक कसोटी लागू शकते.
कर्क:- लहान प्रवास कराल. वडीलधार्‍यांना विरोध करू नका. जुने ठरवलेली कामे पूर्ण कराल. विरोधकांच्या कारवाया मावळतील. हस्तकलेत चिकाटी बाळगा.
सिंह:- मानसिक रित्या खंबीर रहा. तूर्तास धाडसी निर्णय नकोत. कुटुंबासाठी काही खरेदी कराल. वरिष्ठांचे सहकार्य लाभेल. नवीन विचार तत्काल अंमलात आणावा.
कन्या:- किरकोळ गोष्टींमुळे मनस्ताप वाढू शकतो. तडजोडीला पर्याय नाही. कामात एकाग्रता ठेवा. ज्येष्ठ व्यक्तींचे मार्गदर्शन घ्या. मित्रांना मदत कराल.
तूळ:- अघळपघळ शब्द वापरू नका. काही गोष्टी लपविण्याकडे कल राहील. तुमच्या बुद्धिकौशल्यावर लोक खुश होतील. तुमच्या व्यक्तिमत्वाचा प्रभाव पडेल. लहान भावंडांना मदत कराल.
वृश्चिक:- मुलांबरोबर वेळ घालवाल. क्रोध वृत्तीत वाढ होऊ शकते. दिवसाची सुरवात मेहनतीत जाईल. फिरायला जाण्याची इच्छा प्रबळ होईल. जोडीदारासोबत वेळ व्यतीत कराल.
धनू:- नातेवाईकांच्या गाठी पडतील. कौटुंबिक कामाने थकून जाल. तरुण वर्गाकडून काही नवीन शिकायला मिळेल. मनोकामना पूर्ण होतील. कामाच्या ठिकाणी इतर गोष्टींकडे दुर्लक्ष करा.
मकर:- मुलाखतीत यश येईल. भावंडांची इच्छा जाणून घ्या. कामात उत्साह जाणवेल. दिवसभराच्या कामाचे चिंतन करा. व्यवसायात चांगला नफा मिळेल.
कुंभ:- योग्य ठिकाणी गुंतवणुकीवर भर द्या. क्षुल्लक गैरसमजूत वाद वाढवू शकते. चर्चेतून नवीन कल्पना सुचतील. मानसिक चलबिचलता वाढवू नका. भावंडांची मदत घ्यावी.
मीन:- घाई-घाईने कामे करू नयेत. नियोजनावर अधिक भर द्यावा. सासुरवाडीचे लोक मदत करतील. अनावश्यक खर्चाला आळा घालावा. नवीन कामाची रूपरेषा आखावी.
ज्योतिषी विद्याधर करंदीकर
