Tri Grahi Yog 2023: ज्योतिषशास्त्रानुसार, नवग्रह वेळोवेळी एका राशीतून दुसऱ्या राशीत प्रवेश करतात. या राशी परिवर्तनाचा परिणाम प्रत्येक राशीच्या लोकांच्या जीवनावर कोणत्या ना कोणत्या प्रकारे होत असतो. अशातच ३ ऑक्टोबर रोजी मंगळाने तूळ राशीत गोचर केले होते. या राशीमध्ये केतू ग्रह आधीपासूनच विराजमान आहे. तसेच १५ ऑक्टोबरला चंद्र तूळ राशीत प्रवेश करणार आहे. अशा स्थितीत तूळ राशीमध्ये त्रिग्रही योग तयार होणार आहे. तीन ग्रहांच्या युतीने तयार झालेला हा योग अत्यंत शुभ मानला जात आहे. ज्योतिषशास्त्रानुसार १७ ऑक्टोबर रोजी दुपारी २ वाजून १९ मिनिटांनी चंद्र वृश्चिक राशीत प्रवेश करणार आहे. यावेळी त्रिग्रही योग भंग होणार आहे. त्रिग्रही योगाची निर्मिती प्रत्येक राशीवर कोणत्या ना कोणत्या प्रकारे परिणाम करेल. पण ३ राशी अशा आहेत ज्यांना या योगामुळे प्रचंड आर्थिक लाभ होऊ शकतो. तर या भाग्यवान राशी कोणत्या आहेत ते जाणून घेऊ या.
मिथुन रास
मिथुन राशीच्या पाचव्या स्थानी त्रिग्रही योग तयार होत आहे. त्यामुळे या राशीच्या लोकांना या योगाचा विशेष लाभ मिळू शकतो. स्पर्धा परीक्षांची तयारी करणाऱ्यांना या काळात चांगले यश मिळू शकते. या काळात तुम्हाला व्यवसायातही मोठा नफा होण्याची शक्यता आहे. व्यवसायानिमित्त तुम्हाला परदेश दौऱ्यावर जाण्याची संधी मिळू शकते. पैसे कमावण्याच्या अनेक उत्तम संधी उपलब्ध होऊ शकतात.
कन्या रास
कन्या राशीच्या दुसऱ्या स्थानी त्रिग्रही योग तयार होत आहे. ज्याचे तुम्हाला शुभ परिणाम मिळू शकतात. नोकरदारांचे या काळात प्रमोशन होऊ शकते तसेच पगारवाढदेखील होऊ शकते. नवीन नोकरीच्या शोधात असलेल्या लोकांना यश मिळू शकते. तसेच तुम्हाला तुमच्या कष्टाचे फळ नक्की मिळू शकते. पैशाचे अनेक स्त्रोत निर्माण होऊ शकतात. व्यवसायातही नफा होण्याची शक्यता आहे. या काळात तुमचे आरोग्य चांगले राहू शकते.
धनु रास
धनु राशीच्या अकराव्या स्थानी त्रिग्रही योग तयार होत आहे. अशा स्थितीत या राशीच्या लोकांना आर्थिक लाभ होण्याची दाट शक्यता आहे. तसेच या काळात तुमच्या अनेक इच्छा पूर्ण होऊ शकतात. नोकरीत नवीन संधी मिळू शकतात. तुमच्या व्यक्तिमत्त्वामुळे तुम्ही सर्वांचे आवडते बनू शकता. व्यवसायाच्या क्षेत्रातही तुम्हाला यश मिळू शकते. या काळात तुम्ही कुटुंबाबरोबर चांगला वेळ घालवू शकता.
(टीप: वरील लेख हा प्राप्त माहितीवर आधारित आहे)
