अनेकदा आपण आपल्या जवळच्या व्यक्तींना भेटवस्तू देतो किंवा ते आपल्याला भेटवस्तू देतात. भेट द्यायला कोणत्याही निमित्ताची आवश्यकता नसते. वाढदिवस, लग्नाचा वाढदिवस किंवा कोणत्याही विशेष प्रसंगाला अधिक सुंदर बनवण्यासाठी भेटवस्तू दिल्या जातात. या भेटवस्तू केवळ आनंदच देत नाहीत तर सोबत सकारात्मक किंवा नकारात्मक ऊर्जा देखील घेऊन येतात.
वास्तुशास्त्रामध्ये भेटवस्तूंबाबतही काही महत्त्वाच्या गोष्टी सांगण्यात आल्या आहेत. यानुसार, काही भेटवस्तू खूप भाग्यवान असतात, या भेटवस्तू देणे आणि घेणे दोन्ही खूप शुभ आहे. या भेटवस्तू चांगल्या नशिबाशी निगडित असतात. जाणून घेऊया अशा कोणत्या भेटवस्तू आहेत ज्या आपल्यासाठी शुभ ठरू शकतात.
Vastu Tips: जमीन खरेदी करताना ‘या’ चुका अजिबात करू नका; अन्यथा विकणेही होईल कठीण
- गणपतीचे चित्र किंवा पेंटिंग भेट देणे किंवा घेणे या दोन्ही गोष्टी अतिशय शुभ आहेत. असे केल्याने घरात सुख-समृद्धी नांदते. श्रीगणेशाच्या कृपेने जीवनातील सर्व संकटेही दूर होतात.
- चांदी हा सर्वात शुद्ध धातूंपैकी एक मानला जातो. वास्तुशास्त्रानुसार, चांदीची भेटवस्तू देणे आणि घेणे देवी लक्ष्मीची आशीर्वाद देते.
- हिंदू धर्मात हत्तीला खूप शुभ मानले जाते. हत्तीचा संबंधही गणपतीशी आहे. भेटवस्तूमध्ये हत्ती किंवा हत्तीची जोडी देणे किंवा घेणे खूप शुभ आहे. भेटवस्तू म्हणून दिलेले हे हत्ती चांदीचे, पितळाचे किंवा लाकडाचे असतील तर चांगले. चुकूनही काचेचे हत्ती किंवा सहज मोडता येण्याजोग्या वस्तू भेट म्हणून देऊ नका.
- लगाम नसलेल्या घोड्याचे चित्र घरामध्ये लावल्याने जलद प्रगती होते. असे ७ घोडे असलेले चित्र भेट म्हणून दिले किंवा भेट म्हणून मिळाले तर ते खूप शुभ आहे.
- वास्तुशास्त्रात घरामध्ये मातीची भांडी किंवा सजावटीच्या वस्तू ठेवणे खूप शुभ मानले जाते. यामुळे घरात सुख-समृद्धी वाढते. या वस्तू भेटवस्तू म्हणून देणे देखील खूप भाग्यवान आहे. हे पैशासाठी नवीन मार्ग उघडते.
(येथे देण्यात आलेली माहिती गृहीतके आणि सामान्य माहितीवर आधारित आहे.)
