पोलिस आयुक्तालय परिसरातील कर्मचाऱ्यांच्या इमारतीवरून तरुणाचा आत्महत्येचा प्रयत्न

भरत बाबूराव वनारसी (32, रा. मुकुंदवाडी)  असे आत्महत्या करण्याचा प्रयत्न करणाऱ्या तरुणाचे नाव आहे. भरतला सतर्क असलेल्या आजूबाजूच्या नागरिकांनी आरडा-ओरड केल्यानंतर आत्महत्या करण्यास इमारतीवर चढल्यानंतर वाचविण्यात आले. भरत पोलिसांच्या निवासस्थानाच्या इमारतीवर चढल्याचा प्रकार काही महिलांच्या लक्षात आल्यावर त्यांनी आरडा ओरड करण्यास सुरुवात केली. यावेळी रेहान अनीस बेग यांनी इमारतीवर धाव घेत काही तरुणांच्या मदतीने भरत वनारसी याला सहीसलामत वाचवून बेगमपुरा पोलिसांच्या स्वाधीन केले. या घटनेमुळे पोलिस आयुक्तालय परिसरात एकच खळबळ उडाली होती.