औरंगाबादमध्ये आपघातात तीन तरूणांचा मृत्यू

औरंगाबादमध्ये झालेल्या भीषण अपघातात तीन तरूणांचा जागीच मृत्यू झाल्याची घटना घडली आहे. ट्रक आणि स्विफ्ट कारची जोरदार धडक झाल्याने हा अपघात घडला आहे. वैजापूरनजीक अंबेवाडी फाट्याजवळ शुक्रवारी मध्यरात्री बारा वाजेच्या सुमारास ट्रक व कारची जोरदार धडक झाली. अर्जुन सोनवणे (बिलोनी, ता. वैजापूर), संतोष वाणी (वैजापूर) व वैभव पुंडे (शिर्डी) अशी मृत तरुणांची नावे आहेत. अपघाताची माहिती कळताच स्थानिकांनी मदतीसाठी धाव घेतली. सध्या पोलीस घटनास्थळी पोहचले असून पुढील कारवाई सुरू आहे.