अवैध वाळू वाहतुकीवर कारवाई; चार हायवा, दोन जेसीबीसह २ कोटी ८० लाखांचा मुद्देमाल जप्त

छत्रपती संभाजीनगर – वाळूची तस्करी करणाऱ्या अवैध वाहतूकदारांवर कारवाई करत चार हायवा व दोन जेसीबीसह त्यांच्या चालकांना ताब्यात घेऊन २ कोटी ८०लाखांचा मुद्देमाल जप्त करण्यात आला आहे. दौलताबाद पोलीस ठाण्याच्या हद्दीतील आसेगाव शिवारात मंगळवारी रात्री १० नंतर पोलीस उपायुक्त (झोन १) नितीन बगाटे यांच्यासह त्यांच्या पथकातील दोन अधिकारी व चार अंमलदारांनी ही कारवाई केली.