‘धाराशिवमध्ये एकनाथ शिंदेच ‘ऑपरेशन टायगर’ करतील’

धाराशिव जिल्ह्यात शिवसेना उबाठा गटातील धाराशिव-कळंब विधानसभा मतदारसंघाचे आमदार कैलास पाटील व उमरगा येथील प्रवीण स्वामी हे आमदार आहेत. स्वामी हे पहिल्यांदा आमदार झाले आहेत. मात्र कैलास पाटील यांची यंदा दुसरी टर्म आहे. सत्ता परिवर्तनाच्या वेळी आमदार कैलास पाटील हे गुवाहाटीला जात असताना सुरतच्या अलीकडून वापस आले होते. कैलास पाटील हे शिंदे गटाच्या रडारवर आहेत, असे सध्या चित्र दिसत आहे. शिवसेना शिंदे गटाचे बारा आमदार मंत्री झाले आहेत. त्यामुळे ऑपरेशन टायगरची जबाबदारी सर्वांवरच आहे. धाराशिव जिल्ह्यात ऑपरेशन टायगरचे दोनवेळा प्रयत्न झाले आहेत. मात्र, ते त्यावेळी जाळ्यात आले नाहीत, म्हणजेच त्यावेळी योग्य जागी ‘इंजेक्शन’ लागले नाही.