जालना : वाळूखाली दबून पाच जणांचा मृत्यू

पुलाच्या कामासाठी गेलेल्या मजूरांच्या पत्र्याच्या शेडवर गाढ झोपेत असताना वाळूच्या टिप्परमधून वाळू रिकामी झाली. ही घटना कळताच पोलीसांसह स्थानिक ग्रामस्थ पोहचले. वाळू बाजूला करुन दोघांना वाचविण्यात यश आले. जालन्यातील जाफराबाद तालुक्यातील पासोडी चांडोळ रस्त्यावरील पुलाचे काम सुरू असताना ही घटना घडली. अपघात घडल्यानंतर स्थानिक रहिवाशांनी घटनास्थळी मोठी मदत केल्यामुळे दोघींना वाचविण्यात यश आले आहे. पोलिसांनी पंचानाम सुरू केला आहे.

या दुर्दैवी घटनेत गणेश काशिनाथ धनवई (वय ४०, गोळेगाव), भूषण गणेश धनवई (वय १६, गोळेगाव), सुनील समाधान सपकाळ (वय २०, पद्मावती), यांच्यासह अन्य दोन जणांचा मृत्यू झाला. गणेश धनवई आणि भूषण धनवई या बाप-लेकाचा यात मृत्यू झाल्याने कुटुंबावर दुःखाचा डोंगर कोसळला आहे.