छत्रपती संभाजीनगर : बिबट्याच्या हल्ल्यात मुलीचा मृत्यू

छत्रपती संभाजीनगर : शहराजवळील बिडकीन नजीकच्या शेतशिवारातील ७४ जळगांव येथील गट क्र. १९९. या मध्ये कापूस वेचक महिलेसोबत आलेल्या मुलीला बिबट्याने ठार केले. ही घटना बुधवारी सायंकाळी ४ च्या सुमारास घडली.

बिबट्या मुलीला २०० ते ३०० फुटांपर्यंत फरफटत नेत असताना नातेवाईकांच्या वतीने आरडाओरडा व दगडफेक केली. त्यामुळे बिबट्या पसार झाला. मात्र त्याच्या हल्ल्यात प्रणाली मुळे ही मुलगी जागीच मृत्यू पावली, अशी माहिती नातेवाईकांनी दिली आहे. बिबट्याने हल्ला केल्याच्या घटनेची माहिती गांवात पोहचताच गांवकरी व प्रणालीचे कुटुबीय एकत्र आले. त्यांनी प्रणालीला बिडकीन ग्रामीण रुग्णालयात दाखल केले. मात्र डॉक्टरांनी तपासणी करुन मृत घोषीत केले.