husband and in laws not allowing daughter in law to watch tv know bombay high court verdict| सुनेला टीव्ही पाहू न देणे ही क्रूरता? मुंबई उच्च न्यायालयातील खटला २० वर्षांनी निकाली

सुनेला काम सांगणे, ही क्रूरता असू शकते का? २० वर्षांपूर्वी सासरच्या लोकांवर दाखल झालेला गुन्हा मुंबई उच्च न्यायालयाकडून अखेर रद्द करण्यात आला आहे. जाणून घ्या संपूर्ण प्रकरण.

Written by आशुतोष मसगौंडे

औरंगाबाद

November 9, 2024 14:49 IST

Mumbai High Court Verdict On Marriage Cruelty.

घरगुती हिंसाचाराबाबत मुंबई उच्च न्यायालयाच्या औरंगाबाद खंडपीठाचा महत्त्वाचा निकाल.(Photo Canva)

Bombay High Court Ruling on Cruelty: मुंबई उच्च न्यायालयाच्या औरंगाबाद खंडपीठाने २० वर्षांपूर्वीच्या घरगुती हिंचासाराच्या प्रकरणातील एका व्यक्तीसह त्याच्या कुटुंबाला दोषी ठरवणारा आदेश रद्द केला आहे. हा निर्णय देताना खंडपीठ म्हणाले की, “मृत्यूमुखी पडलेल्या महिलेला सासरकडचे लोक सतत टोमणे मारायचे, टीव्ही पाहू द्यायचे नाहीत, मंदिरात एकटे जाऊ देत नव्हते आणि शेजाऱ्यांशी बोलूही देत नव्हते, असे आरोप आहेत. पण जे आरोप करण्यात आले आहेत, त्यामधील कोणतीही कृती गंभीर नसल्याने त्या क्रूरतेच्या व्याख्येमध्ये येत नाहीत.”

२० वर्षांपूर्वी सत्र न्यायालयाने आरोपी पती, त्याचे आई-वडील आणि भावाला भारतीय दंड संहिता कलम ४९८अ तसेच ३०६ (आत्महत्येला प्रवृत्त करणे) या प्रकरणी दोषी ठरवले होते. त्यानंतर आरोपींनी मुंबई उच्च न्यायालयात धाव घेतली होती. आता सुमारे २० वर्षांनी औरंगाबाद खंडपीठाने सत्र न्यायालयाचा आरोपींना दोषी ठरवणारा निर्णय रद्द केला आहे.

नक्की वाचा

Uddhav Thackeray : उद्धव ठाकरेंचं जय शाह यांना खुलं आव्हान; म्हणाले, “गावातील कोणत्याही तरुणाबरोबर क्रिकेट खेळून दाखवावं, मग…”

Nana Patole : निकालाआधी राजकीय घडामोडींना वेग; यातच…

Narendra modi BHIM UPI Babasaheb Ambedkar

“BHIM UPI चं नाव बाबासाहेबांच्या नावावर”, मोदींचा दावा ठाकरेंच्या शिवसेनेने खोडून काढला? पुरावा देत म्हणाले…

AI lawyer responds to CJI Chandrachud's question

CJI DY Chandrachud to AI Lawyer: “भारतात फाशीची शिक्षा…”, सरन्यायाधीश चंद्रचूड यांचा AI वकिलाला प्रश्न; उत्तराने झाले सर्वच अवाक

women are saying no to sex after Trumps win

डोनाल्ड ट्रम्प यांच्या विजयानंतर अमेरिकेतील महिलांचा लैंगिक संबंधास नकार; कारण काय? काय आहे 4B चळवळ?

Sujay Vikhe Patil On Vidhan Sabha Election 2024

Sujay Vikhe Patil : “नशीबात गडबड, माझं काही शिजायला लागलं की कुणीतरी पातेल्याला लाथ मारतं”, सुजय विखेंचं विधान चर्चेत

VIDEO : “पंतप्रधान मोदी आहेत पळणारा चित्ता, म्हणूनच ते…”; रामदास आठवलेंची कवितेतून फटकेबाजी!

Madhurima Raje : सतेज पाटील ज्यांच्यामुळे ढसाढसा रडले त्या मधुरिमा राजे कोण आहेत?

न्यायमूर्ती अभय एस वाघवसे यांच्या एक सदस्यीय खंडपीठाने १७ ऑक्टोबर रोजी दिलेल्या आदेशात नमूद केले आहे की, अपीलकर्त्यांवर मृत पीडितेने बनवलेल्या जेवणाची खिल्ली उडवणे, तिला टीव्ही पाहू न देणे, शेजाऱ्यांशी बालू न देणे, मंदिरात एकटीला जाऊ न देणे आणि मध्यरात्री पाणी भरण्यास भाग पाडणे यासारखे आरोप आहेत. फिर्यादींनी दिलेल्या माहितीनुसार पीडित मृत महिला आणि अपीलकर्त्याचा विवाह २४ डिसेंबर २००२ रोजी झाला होता. फिर्यादींचा असा आरोप होता की, विवाहानंतर पती आणि सासरच्या लोकांनी पीडितेला वाईट वागणूक दिली, तिच्यावर अत्याचार केले आणि तिचा छळ केला. या सर्व त्रासाला कंटाळून पीडितेने आपले जीवन संपवले.

दरम्यान न्यायाधीशांना संबंधित प्रकरणातील साक्षीदारांच्या साक्षीवरून असे लक्षात आले की, ज्या गावात मृत पीडिता आणि तिचे सासरचे लोक राहायचे त्या गावात पाणीपुरवठा हा सहसा मध्यरात्री व्हायचा त्यामुळे गावातील सर्वांनाच मध्यरात्री पाणी भरावे लागायचे. यावेळी खंडपीठाने भारतीय दंड संहिता कलम ४९८अ वर निकाली निघालेल्या खटल्यांचा दाखला देत असे निरीक्षण नोंदवले की, पती आणि त्याच्या कुटुंबावर केलेले आरोप कायद्यातील तरतुदीनुसार गुन्हा ठरणार नाहीत.

Web Title: Husband and in laws not allowing daughter in law to watch tv know bombay high court verdict aam