छत्रपती संभाजीनगर : हायवा-दुचाकी अपघातात तीन बहीण-भावंडांचा मृत्यू

झाल्टा फाट्याकडून तिघेही बहिण-भावंडं बाळापूर परिसरातून सातारा-देवळाई भागात असलेल्या रूमकडे परतत होते. सकाळीच वनविभागाच्या परीक्षेशी संबंधित मैदानी चाचणी देण्यासाठी तिघेही भावंडे दुचाकीवरून गेलेले होते. परतत असताना बाळापूर फाट्याजवळ एक हायवा ट्रक खडी-कच टाकून धूळ उडवत ओव्हरटेक करत सुसाट निघाला होता. मात्र पुढे जाताना अंभोरे भावंडांच्या दुचाकीला धडकला. दुचाकीवरील भावंडे रस्त्याच्या एका बाजूने निघालेले असतानाही मागून येऊन हायवा धडकल्याने तिघांचाही जागीच मृत्यू झाला. घटनेची माहिती मिळताच चिकलठाणा पोलीस घटनास्थळी दाखल झाले.

आणखी वाचा

पुणे: खडकीत दोघा तरुणांवर कोयत्याने वार

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

मुंबई : रेबीजमुळे आणखी एका कोल्ह्याचा मृत्यू, तीन महिन्यांतील कोल्ह्याच्या मृत्यूची तिसरी घटना

रायगड : कुंडलिका नदीत बुडालेल्या चौघांचा मृत्यू

अतिसाराने चिमुकलीचा मृत्यू, बदलापुरातील दुर्दैवी घटना, अंधश्रद्धेचा संशय

‘पुष्पा 2’ च्या प्रिमियरमध्ये चेंगराचेंगरीत महिलेचा मृत्यू, अल्लू अर्जुनने २५ लाखांच्या मदतीचं दिलं आश्वासन

गडचिरोली : वाघाच्या हल्ल्यात गर्भवती महिला ठार

पवनानगर बोट दुर्घटना, तरुणांच्या मृत्यूप्रकरणी बंगला मालक , बोट मालकांवर गुन्हा दाखल

हेही वाचा : अवैध वाळू वाहतुकीवर कारवाई; चार हायवा, दोन जेसीबीसह २ कोटी ८० लाखांचा मुद्देमाल जप्त

घटनास्थळी वनविभागाच्या परीक्षेचे प्रवेशपत्र आदी साहित्य विखरून पडले होते. प्रवेशपत्रावरून पोलिसांना मृतांचा पत्ता मिळून आला. मृतांच्या एका मित्राने दिलेल्या माहितीनुसार अंभोरे भावंडे हे जिंतूरचे असून येथे सातारा परिसरातील शिवछत्रपतीनगरमधील एका हॉटेलच्या मागील बाजूस असलेल्या भागात राहायला होते, अशी माहिती पोलिसांना मिळाली. दरम्यान, तिन्ही भावंडांचे मृतदेह शवविच्छेदनासाठी शासकीय वैद्यकीय महाविद्यालय व रुग्णालयात हलवून चिकलठाणा पोलिसांनी अपघाताची नोंद केली.