छत्रपती संभाजीनगरमध्ये अंतर्गत रस्त्यांवर खड्डय़ांचा प्रश्न कायम

बसने प्रवास करून छत्रपती संभाजीनगर शहरातील सिडको बसस्थानकावर उतरलेल्या प्रवाशांचे स्वागतच एका मोठ्ठया खड्डय़ाने होते. मग अंतर्गत रस्त्यावरून जावयाचे असेल तर ऑटो रिक्षा आदळत आपटत पोहचवते. पण अलीकडे जी-२० परिषदेनिमित्ताने शहरातील प्रमुख रस्ते अधिक चांगले करण्यात आले. विमानतळासमोरील रस्ता आता चांगला झाला आहे. शहरातील बहुतांश रस्ते सिमेंटचे व्हावे यासाठी गेली पाच वर्षे महापालिकेस निधी मिळत गेला. त्यामुळे प्रमुख रस्त्याचे रडगाणे तसे कमी झाले आहे. पण अंतर्गत रस्त्याचे प्रश्न अजून कायम आहेत.

आणखी वाचा

स्वारगेट भागात दोन दिवस वाहतूक बदल, मतदान साहित्याच्या वाहतुकीसाठी पीएमपी बस

महायुतीला सत्ता मिळाली, लाडक्या बहिणींना २१०० रुपये कधीपासून…

मतदानाच्या दिवशी बेस्ट बसच्या जादा फेऱ्या; दिव्यांग, वृद्ध मतदारांसाठी ‘लो फ्लोअर डेक’ बस धावणार

गावाकडच्या दुबार मतदारांमुळे नवी मुंबईत खळबळ

नागपूर : बंद वाहतूक सिग्नल; वाहनचालकांना मन:स्ताप, महापालिका-वाहतूक पोलिसांचे दुर्लक्ष

लोकमानस : कणा आणखी किती भार सोसणार?

पंतप्रधानांच्या सभेमुळे खारघरचे रस्ते चकाचक

नव्याने होणाऱ्या रस्त्याची काही कामे निकृष्ट दर्जाची झाली. त्यामुळे ते नव्याने करावे लागत आहे. गेल्या काही दिवसांत राज्यभर जोरदार पाऊस बरसत असला तरी तो मराठवाडय़ात आणि छत्रपती संभाजीनगर शहरात फारसा नाही. त्यामुळे नवीन खड्डे तयार झाले नाहीत. पण नवीन रस्ते तयार करताना आणि गट्टू बसविण्यासाठी रडतरखडत सुरू असणाऱ्या कामांमुळे दुचाकी चालकांना मोठी कसरत करावी लागते. खड्डय़ांची ओरड व महापालिका निवडणुका लागल्याच तर आपले वर्चस्व राहावे म्हणून देवेंद्र फडणवीस आणि उद्धव ठाकरे यांनी शहरातील रस्त्यांसाठी सुमारे २५० कोटींचा निधी दिला होता. त्यामुळे या समस्येची तीव्रता तुलनेने कमी आहे.