जालना: चिमुकल्यास गळफास देऊन मातेची आत्महत्या; जाफराबाद तालुक्यील घटना

जालना : जन्मदात्या आईनेच पोटच्या ५ वर्षीच्या मुलाला झोपेत गळफास देऊन स्वत: घरातच गळफास लावून आत्महत्या केल्याची धक्कादायक घटना जाफराबाद तालुक्यातील आदरखेडा येथे गुरुवारी सकाळी उघडकीस आली. गंगासागर महादू उगले (वय २८) व अंश महादू उगले (वय ५) अशी मृतांची नावे आहेत. आदरखेडा येथील दिलीप उगले यांचा मुलगा महादू उगले यांचा विवाह वर्ष २०१३ मध्ये भोकरदन तालुक्यातील सिपोरा बाजार येथील महादू कुदर यांची कन्या गंगासागर यांच्याशी झाला होता. महादु उगले छत्रपती संभाजीनगर येथे एका कंपनीमध्ये नोकरीला असल्याने दोघे पती-पत्नी संभाजीनगरला राहत होते. संसार सुरळीतपणे सुरू असतानाच गंगासागर उगले यांना मानसिक आजार जडल्याने तिच्यावर छत्रपती संभाजीनगर येथील एका खाजगी रुग्णालयात उपचार सुरू होते. परंतु प्रकृतीमध्ये कुठलीच सुधारणा होत नसल्याने दोन महिन्यांपूर्वी पती महादू उगले यांनी मुलगा अंश व पत्नी गंगासागर यांना आदरखेडा येथे आईवडिलांकडे आणून सोडले होते.

हेही वाचा : छत्रपती संभाजीनगर: भाजपच्या व्यवस्थापन कौशल्याची भुमरे यांना साथ

आणखी वाचा

देशातील पक्ष्यांच्या संख्येत लक्षणीय घट; जाणून घ्या, मानवी चुका किती हानीकारक

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

तीन दिवसांपूर्वी जन्मलेल्या कुत्र्याच्या ५ पिलांवर पेट्रोल टाकून जाळलं; झोप मोड होते म्हणून २ महिलांचं क्रूर कृत्य

भाईंदर: महापालिकेच्या सेल्फी पॉईंटमधील विजेचा धक्का, जखमी मुलीचा उपचारादरम्यान मृत्यू

स्वारगेट स्थानकाच्या आवारात एसटी बसच्या धडकेत प्रवासी तरुणाचा मृत्यू

सदनिकेत अडकलेल्या ज्येष्ठ महिलेची सुटका- बेशुद्धावस्थेतील महिलेवर त्वरीत उपचार केल्याने अनर्थ टळला

रस्ता नसल्याने मृतदेह झोळी करून वाडीवर नेण्याची वेळ…

गावाकडे असताना गंगासागर हिच्यावर खासगांव, विदर्भातील सैलानी येथे उपचार करण्यात आले. परंतु याचा कुठलाच उपयोग झाला नाही. दरम्यान गंगासागर उगले, मुलगा अंश तसेच सासू-सासरे घराबाहेर अंगणात झोपलेले होते. तेव्हा गंगासार हिने घरातील पत्राच्या लोखंडी अँगलला दोरीच्या सहाय्याने मुलगा अंशला गळफास दिला. त्यानंतर स्वत:ही गळफास घेत आपली जीवनयात्रा संपविली आहे. दरम्यान, सकाळी हा प्रकार लक्षात आला. जाफ्राबाद पोलिसांनी घटनास्थळी येऊन पंचनामा केला. दोन्ही मृतदेह उत्तरीय तपासणीकरिता जाफ्राबाद ग्रामीण रुग्णालयात पाठविण्यात आले. या प्रकरणी गजानन उगले यांच्या फिर्यादीवरून जाफ्राबाद पोलीस ठाण्यात गुन्हा नोंद केला. पोलीस निरीक्षक प्रतापराव इंगळे यांच्या मार्गदर्शनाखाली उपनिरीक्षक सखाहारी तायडे अधिक तपास करत आहेत.