तुळजापूर : शाकंभरी नवरात्रोत्सवात चौथ्या माळेला मुरली अलंकार महापुजा; अभिषेक पूजा, कुलधर्म कुलाचार व दर्शनासाठी भाविकांची गर्दी

दरम्यान, शाकंभरी यजमान विनोद सोंजी दाम्पत्याने शाकंभरी घटास चौथी पुष्पमाला अर्पण केली व दर्शन घेतले. यावेळी उपस्थित भाविकांनी ‘आई राजा उदे-उदे’च्या घोषणा देत शाकंभरी माता की जय, असा जयघोष केला. संध्याकाळच्या अभिषेक पूजेनंतर देवीचा छबिना काढण्यात आला. या छबिन्याने नवरात्रातील चौथ्या माळेची सांगता झाली. यावेळी महंत, भोपे पुजारी, पाळेकर पुजारी, उपाध्ये, सेवेकरी व मंदिर अधिकारी कर्मचारी उपस्थित होते.

हेही वाचा : देहविक्रय व्यवसायातील आंतरराष्ट्रीय एजंट महिला पुण्यातून ताब्यात

सोमवार, २२ जानेवारी रोजी शेषशाही अलंकार महापूजा, मंगळवार, २३ जानेवारी रोजी भवानी तलवार विशेष महाअलंकार पूजा तर बुधवार, २४ जानेवारी रोजी महिषासूरमर्दिनी अलंकार महापूजा मांडण्यात येणार आहे. दरम्यान नवरात्र काळात देवीची अभिषेक पूजा, कुलधर्म कुलाचार पूजोविधीसाठी व दर्शनासाठी भाविकांची दररोज मोठी गर्दी होऊ लागली आहे.