बीडमधील काही भागात गूढ आवाज; भूकंपाचे सौम्य धक्के, गेवराईजवळ केंद्र

छत्रपती संभाजीनगर – बीड शहरासह वडवणी, राजुरी व इतर काही ग्रामीण भागात मंगळवारी संध्याकाळी८.२१ वा. मोठे दोन आवाज झाले. या आवाजाने घरातील साहित्य, फर्निचर तसेच भांडी खणखणले. परंतु हे गूढ आवाज म्हणजे भूकंपाचे सौम्य धक्के असल्याची माहिती येत आहे. समाजमाध्यमावर भूकंप मापन यंत्रणेचे एक संकेतस्थळावरील छायाचित्र पसरले असून त्यावरील माहितीनुसार भूकंपाचे केंद्र गेवराईनजीक असल्याचे सांगण्यात येत आहे. मात्र प्रशासन भूकंप मानत नाही.