‘दशक्रिये’च्या प्रदर्शनावरून पुरोहित-संभाजी ब्रिगेड यांच्यात जुंपली

राष्ट्रीय पुरस्कार विजेत्या ‘दशक्रिया’ या चित्रपटाच्या प्रदर्शनावरुन औरंगाबाद शहरात पुरोहित आणि संभाजी ब्रिगड यांच्यात जुंपली आहे. ब्राह्मण आणि हिंदू परंपरांचा अपमान केल्याचे सांगत ब्राह्मण महासंघ आणि पैठणमधील पुरोहितांनी या चित्रपटाला दर्शवला होता. या सर्व प्रकरणात चित्रपटाच्या बाबतीत एका दिवसात निर्णय देणे शक्य नसल्याचे सांगत न्यायालयाने हस्तक्षेप करणे टाळल्यानंतर चित्रपटाच्या प्रदर्शनाचा मार्ग मोकळा झाला. सेन्सॉर बोर्डाच्या निर्णयात हस्तक्षेप करण्याचा अधिकार कोणालाही नाही. त्यामुळे ‘दशक्रिया’ प्रदर्शित होण्यापासून कोणीही थांबवू शकत नाही, असं कोर्टाने म्हटलं.