छत्रपती संभाजीनगर : मस्साजोगचे सरपंच संतोष देशमुख हत्या प्रकरणाच्या तपासासाठीच्या विशेष तपास पथकात काही महत्वाचे बदल करण्यात आले असून, काही अधिकाऱ्यांना हटवण्यात आलं आहे. एसआयटी प्रमुख बसवराज तेली यांच्या नेतृत्वाखालीच नवीन पथक काम करणार आहे.
यापूर्वीच्या एसआयटीमधील काही अधिकाऱ्यांच्या नावावर आक्षेप घेतला होता. एका पोलिसासोबत खंडणी प्रकरणातील आरोपी वाल्मिक कराडचे परस्परांच्या खांद्यावर हात असणारे छायाचित्र माध्यमांमध्ये पसरले होते. त्यावरून एसआयटीतील काही अधिकारी, सदस्य बदलण्याची मागणी अनेक दिवसांपासून केली जात होती. देशमुख कुटुंबियांनी मुख्यमंत्री देवेंद्र फडणवीस यांची भेट घेतली होती. सामाजिक कार्यकर्त्या अंजली दमानिया यांनीही हीच मागणी केली होती.
हेही वाचा – शाकंभरी नवरात्र महोत्सव : सहाव्या माळेला महिषासूरमर्दिनी अलंकार महापूजा
नवीन विशेष तपास पथक (एसआयटी)
किरण पाटील (अपर पोलीस अधीक्षक, सीआयडी, छत्रपती संभाजीनगर), अनिल गुजर (पोलीस उप अधीक्षक अन्वेषण विभाग, बीड), सुभाष मुठे (पोलीस निरीक्षक, बीड), अक्षयकुमार ठिकणे (पोलीस निरीक्षक, भरारी पथक, सीआयडी, पुणे), शर्मिला साळुंखे (पोलीस हवालदार भरारी पथक, सीआयडी, पुणे), दीपाली पवार (हवालदार, सीसीटीएनएस, सीआयडी, पुणे)
